সোণতলী, সংবাদ ৩৬৫, ২১ মাৰ্চ : দক্ষিণ কামৰূপৰ ছয়গাঁও সমষ্টিৰ অন্তৰ্গত সংখ্যালঘু অধ্যূষিত অঞ্চলৰ একমাত্ৰ উচ্চ শিক্ষানুষ্ঠান গৰৈমাৰীৰ ফখৰুদ্দিন আলী আহমেদ মহাবিদ্যালয়ৰ ২৬ সমখ্যক বাৰ্ষিক মহাবিদ্যালয় সপ্তাহ উপলক্ষে ছাত্ৰ ছাত্ৰীসকলে বুধবাৰে উলিওৱা বৰ্ণিল সাংস্কৃতিক শোভাযাত্ৰাই ৰাইজক আপ্লুত কৰি তোলে৷ মহাবিদ্যালয়খনৰ ২৬ সংখ্যক বাৰ্ষিক মহাবিদ্যালয় সপ্তাহ উপলক্ষে দিনৰ এঘাৰ বজাত গৰৈমাৰীৰ ফখৰুদ্দিন আলী আহমেদ মহাবিদ্যালয়ৰ কেইবাশতাধিক ছাত্ৰ-ছাত্ৰীয়ে উলিওৱা বৰ্ণিল সাংস্কৃতিক শোভাযাত্ৰাৰ আনুষ্ঠানিকভাৱে উদ্বোধন কৰে মহাবিদ্যালয়খনৰ ভাৰপ্ৰাপ্ত অধ্যক্ষ আব্দুল আৱাল চাহাবে৷ উক্ত অনুষ্ঠানত অধ্যাপকদ্বয় যথাক্ৰমে চৈয়দ আতোৱাৰ ৰহমান, মহিবুল হক চৌধুৰী, মঞ্জু আহমেদ, কাঞ্চন চৌধুৰী, আবুল কাশেম, ড০ ফখৰুদ্দিন আহমেদ, তৈয়বুৰ ৰহমান, নাছিৰ উদ্দিন আহমেদ, আয়নুল হক চৌধুৰী প্ৰমূখ্যে কেইবাগৰাকী বিশিষ্ট ব্যক্তিয়ে অংশ গ্ৰহণ কৰে৷