নগাঁও, সংবাদ ৩৬৫, ১৬ এপ্ৰিল : ৰাজ্যত দ্বিতীয় পৰ্যায়ৰ নিৰ্বাচনলৈ মাজত মাত্ৰ দুটা দিন বাকী ৷ মঙ্গলবাৰে বিয়লি অন্ত পৰিব নিৰ্বাচনী প্ৰচাৰ । সেয়ে অন্তিম প্ৰচাৰত ব্যস্ত অসম চৰকাৰৰ স্বাস্থ্য আৰু বিত্ত মন্ত্ৰী হিমন্ত বিশ্ব শৰ্মাৰ নিৰ্বাচনী টোপ ৷

বাগিছাৰ বিদ্যালয়ত পুৱা ছাত্ৰ ছাত্ৰী সকল উপস্থিত হোৱাৰ লগে লগে শিক্ষা বিভাগে দিব কল আৰু আপেল, দুপৰীয়া আহাৰ আৰু চুটি সময়ত গাখীৰ আৰু বিস্কুট খোৱাই বিদায় দিয়াৰ দিয়া ঘোষণা হিমন্ত বিশ্ব শৰ্মাৰ ৷ নগাঁৱৰ কন্দলী শগুনবাহী চাহ বাগিছাত হিমন্ত বিশ্ব শৰ্মাই নিৰ্বাচনী প্ৰচাৰ সভাত অংশগ্ৰহণ কৰি এই মন্তব্য কৰে ৷

বিজেপিৰ প্ৰাৰ্থী ৰূপক শৰ্মাৰ হৈ বাগানৰ শ্ৰমিক সকলৰ আগতো একেখন কেছেটকে বজালে হিমন্ত বিশ্ব শৰ্মাই ৷ কেৱল মোডী বন্দনা আৰু কংগ্ৰেছ দলক সমালোচনা ৷

হিমন্তৰ মন্তব্য কংগ্ৰেছ দলে কেৱল তিনিটা নীতিক লৈ ৰাজনীতি কৰে ধূতি লুংগী আৰু সূতা ৷ কংগ্ৰেছ দলৰ প্ৰাৰ্থী প্ৰদ্যুত বৰদলৈক মাৰ্ঘেৰিটা ৰাইজে নগাওঁত পঠাই দিছে আৰু নগাওঁ মানুহে এইবাৰ প্ৰদ্যুত বৰদলৈক বহ্মপুত্ৰত বিৰ্সজন দি দিব বুলি মন্তব্য কৰে মন্ত্ৰী হিমন্ত বিশ্ব শৰ্মাই ৷