বকো, সংবাদ ৩৬৫, ২ এপ্ৰিল : স্বামী আৰু দুই সন্তানক এৰি পলায়ন পত্নীৰ ৷ লাইক ভিডিঅ এপত ভিডিঅ বনাই মনৰ কথা প্ৰকাশ কৰিছিল ফেচবুকত নিৰুদ্দিষ্ট পত্নীয়ে ৷ স্বামীয়ে আৰক্ষী থানাত দাখিল কৰিলে এজাহাৰ ৷ দুই সন্তানে মাকৰ অপেক্ষাত চকুলো টুকি থাকিল ৰৈ হয়তো মাক উভতি আহিব ৷
বিবাহিত হোৱাৰ পাছতো নিজৰ অন্তৰত অবৈধ প্ৰেমিকৰ ছৱি আঁকিছে এগৰাকী মহিলাই ৷ এই কথা প্ৰকাশ কৰিলে লাইক ভিডিঅ এপত এটা ভিডিঅৰ জৰিয়তে৷ স্বামী আৰু দুই সন্তান থকাৰ পাছতো এনেদৰে চছিয়েল মিডিয়াত ৰোমান্টিক গানেৰে লাইক ভিডিঅ এপত ভিডিঅ বনাই মনৰ কথা প্ৰকাশ কৰিছিল এওঁ৷ পত্নীৰ এনে কাৰ্যক বাধা প্ৰদান কৰাত সুত্ৰপাত হয় দুয়োৰে মাজত কাজিয়াৰ আৰু তাৰ পাছতে নিৰুদ্দেশ মহিলাগৰাকীৰ।
এই ঘটনা সংঘতিত হৈছে বকোৰ বৰপাৰাত ৷ বকো আৰক্ষী থানাৰ অন্তৰ্গত বকো – বৰপাৰা গাওঁৰ চলিম আলীৰ পত্নী চিলিমা চুলতানা (২৫) ৷ যোৱা ২৮ মাৰ্চ দিনৰ এঘাৰ বজাত নিজৰ ঘৰৰ পৰা নিৰুদ্দেশ হয় এই মহিলা গৰাকী৷ চিলিমা চুলতানাক স্বামীৰ ওপৰিও পৰিয়ালৰ লোকে অনেক বিচাৰ- খোচাৰ কৰিও আজি পাঁচ দিন লৈকে কোনো অনুসন্ধান নোপোৱাত বকো আৰক্ষী থানাত নিৰুদ্দেশ হোৱা সন্দৰ্ভত স্বামী চলিম আলিয়ে এজাহাৰ দাখিল কৰে।
চিলিমা চুলতানাই দুই সন্তানক নিজা ঘৰত থৈ সন্ধানহীন হোৱাৰ পাছৰে পৰা মাকৰ অপেক্ষাত সম্প্ৰতি দুইটি সন্তানে পাৰ কৰিছে উজাগৰী নিশা ৷