কলগাছিয়া, সংবাদ ৩৬৫, ৬ আগষ্টঃ সোমবাৰে ৰাতিপুৱাই অহা এজাক ধুমুহাই ভাঙি তচনচ কৰে কলগাছিয়া ৰাজহ চক্ৰৰ অন্তৰ্গত খাৰবাল্লী আৰু আমগুৰি গাঁৱত৷ ধুমুহাই তাণ্ডৱ চলাই ৫০-৬০ টা পৰিয়ালৰ ঘৰবাৰী ভাঙি পেলোৱাৰ লগতে মূল্যবান গছ-গছনিও ভাঙে যাৰ ফলত ব্যাহত হৈ পৰে বিদ্যুৎ সেৱা৷ এই ধুমুহাই দক্ষিণ আমগুৰি চৰ প্ৰাথমিক বিদ্যালয়ৰ চালি উৰুৱাই নিয়াৰ লগতে প্ৰধান মন্ত্ৰী আবাস যোজনাৰ ঘৰৰ দেৱাল খহাই নিয়ে৷
