বৰপেটা,সংবাদ ৩৬৫, ২৮ আগষ্টঃ বৰপেটা জিলাৰ বাঘবৰৰ মানিকপুৰত সোমবাৰে বিয়লি ব্ৰহ্মপুত্ৰ নৈত নাওঁখেল প্ৰতিযোগিতা অনুষ্ঠিত হয় । উল্লেখ্য যে , মানিকপুৰ অঞ্চলৰ কেইবা গৰাকী যুৱকৰ নেতৃত্বত পূৰ্বে হৈ থকা পৰম্পৰাগত নাওখেল বৰ্তমানেও ধৰি ৰখাৰ উদ্দেশ্যৰে বাঘবৰৰ মানিকপুৰত ব্ৰহ্মপুত্ৰ নদীত এই নাওখেল প্ৰতিযোগিতা অনুষ্ঠিত হয় । খেল খনত বাঘবৰ সমষ্টিৰ বিভিন্ন অঞ্চলৰ পৰা প্ৰায় দহখনকৈ সৰু , ডাঙৰ নাওঁ প্ৰতিযোগিতাত অংশ লয় । খেল চাবলৈ বৃহত্তৰ বাঘবৰ , মানিকপুৰ , সত্ৰকণৰা আদি বিভিন্ন এলেকাৰ পৰা প্ৰায় পাঁচ সহস্ৰাধিক লোকৰ সমাগম হয় । অৱশেষত বিয়লিৰ পৰা সন্ধিয়া লৈ চলা খেলখনত এ – গ্ৰপত ময়নাল হকৰ নাও আৰু বি – গ্ৰপত গোলাপ হুছেইনৰ নাও প্ৰথম স্থান দখল কৰিবলৈ সক্ষম হৈছে ।
