আজাৰা, সংবাদ ৩৬৫, ২১ অক্টোবৰ: দেওবাৰে আজাৰাত আৰক্ষীৰ শ্বহীদ স্মৃতি দিৱস পালন কৰা হয়। এই শ্বহীদ স্মৃতি দিৱস উপলক্ষে সমগ্ৰ দেশৰ লগতে অসমতো শ্বহীদ সকলক স্মৃতি তৰ্পন কৰা হয় । আজি দেওবাৰে কামৰূপ মহানগৰ আৰক্ষীৰ উদ্যোগত আজাৰা আৰক্ষীৰ সহযোগত মাজিৰগাওঁৰ কৃষৰাম সোঁৱৰণি প্ৰাথমিক বিদ্যালয়ত কেন্দ্ৰীয় ভাৱে উদযাপন কৰা হয় স্মৃতি শ্বহীদ দিৱস । স্মৃতি শ্বহীদ দিৱসত শ্বহীদ ভাস্কৰ কলিতাক বিশেষভাৱে জনোৱা হয় শ্ৰদ্ধাঞ্জলি । শ্বহীদ দিৱসৰ লগত সংগতি ৰাখি বন্তি প্ৰজ্বলন, স্মৃতি তৰ্পন,শ্বহীদ পৰিয়ালক সম্বৰ্ধনা আদি জ্ঞাপন কৰা হয় । উক্ত উনুষ্ঠানত উপস্থিত আছিল আজাৰা আৰক্ষী, শ্বহীদ ভাস্কৰ কলিতাৰ পৰিয়াল , মাজিৰগাওঁ অঞ্চলৰ লোক সকল ।