বঙাইগাওঁ, সংবাদ ৩৬৫, ২৫ জানুৱাৰী: বঙাইগাওঁ জিলাৰ পাতিলাদহাৰ নিকটবৰ্তী গাওঁ কুশলাই গুৰীত পথচাৰীয়ে ৰাস্তাৰ কাষত এক প্ৰকাণ্ড অজগৰ সাপ প্ৰত্যক্ষ কৰে। তৎক্ষনাৎ ইকান সিকান কৰি গাঁৱৰ মাজত প্ৰচাৰ হোৱাত বহু লোকৰ সমাগম হয়। তাৰ মাজৰে পৰা এজন প্ৰকৃতি প্ৰেমীয়ে মাণিকপুৰ খণ্ড বনানিকৰণ বিষয়াক খৱৰ দিয়ে। বনানিকৰণ বিষয়াই তৎকালে ঘটনাস্থলীত উপস্থিত হৈ সাঁপডাল ধৰি আনি হাপাচৰাত অৱস্থিত পাহাৰত এৰি দিয়ে। ৰাইজৰ এই প্ৰচেষ্টাৰ ফলত প্ৰকাণ্ড অজগৰ সাপটো মৃত্যুৰ মুখৰ পৰা হাত সাৰে লগতে বনানিকৰণ বিষয়াই ৰাইজৰ এই প্ৰচেষ্টাক ধন্যবাদ জনায়।