বাইহাটা চাৰিঅালি ,সংবাদ ৩৬৫, ০৮ মাৰ্চঃ বৃহস্পতিবাৰে বিয়লি বাইহাটা চাৰিঅালি অাৰক্ষী থানাৰ অন্তৰ্গত গাছবাৰীত অাৰক্ষীয়ে অভিযান চলাই তিনিজন বাইক চোৰক দুখন বাইকসহ অাটক কৰিবলৈ সক্ষম হয় ।
প্ৰাপ্ত খবৰ অনুসৰি বৃহস্পতিবাৰে বিয়লিৰ ভাগত তামুলপুৰৰ বিজয় বড়ো, জটিয়াভাঙ্গৰাৰ ৰিয়াজুল আলি,বাক্সাৰ শিমেলীয়াৰ জিন্টুল অালিয়ে গাছবাৰীস্থিত এখন গেৰেজত এ এছ-০১ডি আৰ-৫০৮২ অাৰু এ এছ ০১ডি এম -০৬৫৬ নম্বৰৰ ক্ৰমে পালচাৰ অাৰু একটিভা বাহন দুখনৰ ল’ক সলনি কৰাৰ উদ্দেশ্যৰে গেৰেজলৈ আনে ।
পিছত যুৱক তিনিজনৰ চাল চলনত তথা কথাৰ বিসংগতিত গেৰেজৰ কৰ্মচাৰীৰ সন্দেহ উপজাত স্থানীয় লোকক অবগত কৰাত স্থানীয় লোকে যুৱক তিনিজনক সোধপোচ কৰাত যুৱককেইজনে পলাবলৈ চেষ্টা কৰে যদিও স্থানীয় লোকে তিনিও জনকে খেদিখেদি ধৰি উত্তম মাধ্যম দি অাৰক্ষীক গতাই দিয়ে ।
পিছত অাৰক্ষীয়ে বাইক দুখন জব্দ কৰে আৰু যুৱক তিনিজনক অাটক কৰি থানালৈ অানে । ঘটনা সন্দৰ্ভত বৰ্তমান অাৰক্ষীয়ে তদন্ত অব্যাহত ৰাখিছে ।