গুৱাহাটী, সংবাদ৩৬৫, ১২ মাৰ্চ : গুৱাহাটীৰ দিছ্পুৰৰ লাষ্টগেটত কায়াকেশৰ প্ৰথমখন বিশেষ বিউটি ক্লিনিকেৰে ব্ৰেণ্ডটোৱে প্ৰৱেশ কৰিলে গুৱাহাটীৰ ফেশ্যন আৰু লাইফ ষ্টাইলৰ বজাৰত।
মঙ্গলবাৰে অসমীয়া ছবিৰ আগশাৰীৰ তাৰকা অভিনেত্ৰী জেৰিফা ৱাহিদে আনুষ্ঠানিকভাৱে মুকলি কৰে এই ক্লিনিকখন। এই মুকলি অনুষ্ঠানত উপস্থিত থাকে প্ৰতিষ্ঠানখনৰ পৰিচালন সঞ্চালক সবীশ মেহৰা, কায়াকেশৰ মুখ্য পৰিচালন সঞ্চালক অমিত আগৰৱাল,মেডিকেল হেড ডঃ দেৱাশীষ বিশ্বাস,ইভেণ্টজোন গুৱাহাটীৰ সঞ্জয় জৈন আৰু আয়ুস জৈন আৰু ট্ৰাইকোল’জী বিভাগৰ মেডিকেল হেড পাৰ্থ আধ্যা।
কায়াকেশ হৈছে একাংশ অভিজ্ঞতাপুষ্ট চিকিৎসকৰ দ্বাৰা পৰিচালিত চৰ্ম, মুখমণ্ডল,চুলি,দেহ-মন,পৰিপুষ্টি আৰু ফিটনেছৰ বিবিধ সেৱা আগবঢ়োৱা এক বিলাসী লাইফ ষ্টাইল ক্লিনিক। গুৱাহাটীকে ধৰি দেশৰ সাতখনকৈ চহৰত অতি আগ্ৰাসী বিকাশেৰে বিস্তাৰিত হৈছে কায়াকেশ নামৰ এই ব্ৰেণ্ডটো।
ব্ৰেণ্ডটোৱে ঘোষণা কৰে যে সমাজৰ পিছপৰা শ্ৰেণীটোৰ বাবেও সমানেই কাম কৰি যাব।
উল্লেখযোগ্য যে কায়াকেশ বিশেষভাৱে মেডিকেল এথেষ্টিক আৰু কচমেটিক প্ৰক্ৰিয়াৰ অত্যাধুনিক ক্লিনিকসমূহত বিশ্বমানৰ সেৱা প্ৰদানৰ বাবে ব্যৱহাৰ কৰা হয়। আন্তঃৰাষ্ট্ৰীয় মান,সুৰক্ষা আৰু বিশেষ গোপনীয়তা অৱলম্বেনেৰে প্ৰতিটো মুহূৰ্ততে গ্ৰাহকক সন্তুষ্টি প্ৰদান কৰি আহিছে এই ব্ৰেণ্ডটোৱে।
ব্ৰেণ্ডটোৱে একেটা স্থানতেই অতি উচ্চ মানসম্পন্ন সামগ্ৰী আৰু বিশ্বমানৰ সেৱা আগবঢ়োৱাৰ প্ৰতি প্ৰতিজ্ঞাবদ্ধ, তাৰ লগতে যতেই সৌন্দৰ্য, তাতেই কায়াকেশৰ লক্ষ্যৰে এক সম্পূৰ্ণ লাইফ ষ্টাইল শৃংখলা সৃষ্টি কৰিবৰ বাবে উৎসুক।