আমিনগাঁও, ৬ ডিচেম্বৰ, ২০২৪ : ড্ৰাগছ বিৰোধী অভিযানৰ আন এক বৃহৎ সাফল্য। অতিৰিক্ত আৰক্ষী অধীক্ষক কল্যান পাঠকৰ নেতৃত্ব চলা অভিযানত ডেৰ কোটি টকা মূল্যৰ ড্ৰাগছ জব্দ (Drugs Seized)। আটক দুজন ড্ৰাগছ সৰবৰাহকাৰী। এখন বাহনত অতি কৌশলেৰে লুকুৱাই আনিছিল বুজন পৰিমাণৰ হেৰ’ইন। ধৃত ড্ৰাগছ সৰবৰাহকাৰীৰ দুজনৰ এজন শিলচৰ আৰু এজন বৰপেটাৰ বাসিন্দা।
অসম আৰক্ষীৰ ড্ৰাগছ বিৰোধী অভিযানৰ আন এক বৃহৎ সাফল্য। এখন বাহনৰ পৰা জব্দ কৰিলে বুজন পৰিমাণৰ ড্ৰাগছ। জব্দকৃত ড্ৰাগছখিনিৰ বজাৰ মূল্য প্ৰায় ডেৰ কোটি টকা বুলি জানিব পৰা গৈছে। এই বুজন পৰিমাণৰ ড্ৰাগছখিনিৰ লগত আটক হৈছে শিলচৰ আৰু বৰপেটাৰ দুজন ড্ৰাগছ সৰবৰাহকাৰী। আৰক্ষীয়ে ড্ৰাগছ সৰবৰাহকাৰী দুজনক অধিক তথ্যৰ বাবে জেৰা অব্যাহত ৰাখিছে বুলি জানিব পৰা গৈছে।
ড্ৰাগছৰ বিৰুদ্ধে অসম আৰক্ষীৰ অভিযান অব্যাহত আছে। অসম আৰক্ষীয়ে ড্ৰাগছ বিৰোধী অভিযান চলাই এটাৰ পিছত আনটো সাফল্য লাভ কৰিবলৈ সক্ষম হৈছে। আৰক্ষীৰ ধাৰাবাহিক সাফল্যৰ মাজতো একাংশ ড্ৰাগছ সৰবৰাহকাৰীয়ে ড্ৰাগছ সৰবৰাহৰ কৌশল সলনি কৰি ড্ৰাগছৰ সৰবৰাহ অব্যাহত ৰাখিছে। আৰক্ষীৰ চকুত ধূলি দি ড্ৰাগছ সৰবৰাহৰ চেষ্টা চলাই পুনৰ বুজন পৰিমাণৰ ড্ৰাগছসহ দুজন ড্ৰাগছ সৰবৰাহকাৰী আৰক্ষীৰ জালত পৰিল।
শিলচৰৰ পৰা বৰপেটা অভিমুখে আহি থকা এখন বাহনৰ পৰা আৰক্ষীয়ে বুজন পৰিমাণৰ ড্ৰাগছ জব্দ কৰিবলৈ সক্ষম হৈছে। বাহনখনৰ পৰা আৰক্ষীয়ে ১৮২ গ্ৰাম হেৰ’ইন জব্দ কৰিছে। এক গোপন খবৰৰ ভিত্তিত অতিৰিক্ত আৰক্ষী অধীক্ষক কল্যান পাঠকৰ নেতৃত্বত আৰক্ষীৰ এটা দলে বাহনখনত তালাচী চলাই বুজন পৰিমাণৰ হেৰ’ইন জব্দ কৰিবলৈ সক্ষম হয়। জব্দকৃত এই বুজন পৰিমাণৰ হেৰ’ইনখিনিৰ বজাৰ মূল্য ডেৰ কোটি টকা হ’ব বুলি আৰক্ষীয়ে অনুমান কৰিছে।
অভিযানকাৰী আৰক্ষীৰ দলটোৱে গোপন খবৰৰ ভিত্তিত আমিনগাঁৱত শিলচৰৰ পৰা বৰপেটা অভিমুখে আহি থকা এএছ-২৪-বি-২৪৮৫ নম্বৰৰ এল্ট বাহনত তালাচী চলাই বাহনখনত অতি কৌশলেৰে লুকুৱাই অনা এই বুজন পৰিমাণৰ হেৰ’ইন জব্দ কৰে। বাহনখনত অতি কৌশলেৰে ১৩ টা চাবোনৰ বাকচত এই বুজন পৰিমাণৰ হেৰ’ইনখিনি লুকুৱাই আনিছিল দুজন ড্ৰাগছ সৰবৰাহ কাৰীয়ে। ধৃত ড্ৰাগছ সৰবৰাহকাৰী দুজন ক্ৰমে শিলচৰৰ মাছুম চৌধুৰী আৰু বৰপেটাৰ চানোৱাৰ হুছেইন। অধিক তথ্যৰ বাবে আৰক্ষীয়ে ড্ৰাগছ সৰবৰাহকাৰী কেইজনক জেৰা অব্যাহত ৰাখিছে।