ৰঙিয়া, ২৬ অক্টোবৰঃ ৰঙিয়াত পুৱতি নিশা সংঘটিত বিধ্বংসী অগ্নিকাণ্ড ১৬খন ব্যৱসায়িক প্ৰতিষ্ঠানৰ লগতে পঞ্চাশ লক্ষাধিক টকাৰ সম্পত্তি জ্বলি ভষ্মীভূত হয়। প্ৰাপ্ত তথ্য মতে, ৰঙিয়া ষ্টেচনৰোডত শ্বৰ্ট চাৰ্কিটৰ পুৱতি নিশা অগ্নিকাণ্ডটো সংঘটিত হয়৷ ঘটনাস্থলীত ৰঙিয়া আৰক্ষী আৰু অগ্নি নিৰ্বাপক বাহিনীৰ দুখনকৈ গাড়ী উপস্থিত হৈ জুই নিয়ন্ত্ৰণৰ চেষ্টা চলাই ব্যৰ্থ হয়৷ পিছত বাইহাটা আৰু নলবাৰীৰ পৰা দুখনকৈ অগ্নিনিৰ্বাপক গাড়ী আহি জুই নিৰ্বাপন কৰে। অগ্নিকাণ্ডত ষ্টেচনৰোডৰ ইলেক্ট্ৰিকেল, গেলামালৰ দোকানসহ প্ৰায় ১৬ খনকৈ ব্যাৱসায়িক প্ৰতিষ্ঠান সৰ্ম্পূণ জাহ যায়। অৱশ্যে অগ্নিকাণ্ডত কোনো লোক হতাহত হোৱা নাই।
