মিৰ্জা, ২ অক্টোবৰঃ দক্ষিণ কামৰূপৰ পাৰ্শ্বৱৰ্তী তথা আন্তৰাষ্ট্ৰীয় বিমান বন্দৰৰ সমীপৱৰ্তী বঙৰাস্থিত শংকৰদেৱ উচ্চ মাধ্যমিক বিদ্যালয়ত প্ৰাক্তন ছাত্ৰ ছাত্ৰীৰ এখন প্ৰীতি সন্মিলন অনুষ্ঠিত হয়। বিদ্যালয়ৰ প্ৰাক্তন ছাত্ৰ তথা অৱসৰপ্ৰাপ্ত প্ৰধান শিক্ষক গৌৰীকান্ত নাথৰ সভাপতিত্বত প্ৰীতি সন্মিলনখন অনুষ্টিত হয়৷ অনুষ্ঠানত যোৱা বৰ্ষত হাইস্কুল শিক্ষান্ত পৰীক্ষাত সুখ্যাতিৰে উত্তীৰ্ণ হোৱা ১১গৰাকী ছাত্ৰ ছাত্ৰীক সম্বৰ্ধনা জনোৱা হয়। প্ৰীতি সন্মিলনত বিদ্যালয়ৰ প্ৰাক্তন ছাত্ৰ তথা বৰ্তমানৰ এনএছইউআইৰ ৰাজ্যিক সম্পাদক বিকাশ কুমাৰ নাথে বিদ্যালয়ৰ বিকাশৰ বাবে এখন সমিতি গঠন কৰাৰ কথা জানিবলৈ দিয়ে। আনহাতে প্ৰাক্তন ছাত্ৰ কুশলজিৎ কুমাৰে ২০১৯ত অনুষ্ঠিত হ’বলগীয়া সোণালী জয়ন্তী উপলক্ষে সকলোৰে সহায় সহযোগিতাৰ আহ্বান জনায়৷ প্ৰীতি সন্মিলনখনত বিদ্যালয়ৰ প্ৰায় শতাধিক প্ৰাক্তন ছাত্ৰ-ছাত্ৰীয়ে অংশগ্ৰহণ কৰে৷