এটি ১২ বছৰীয়া কিশোৰৰ কঠোৰ জীৱন সংগ্ৰাম

In ৰাজ্য

নিউজ ডেস্ক, সংবাদ ৩৬৫, ১৩ ছেপ্টেম্বৰ : এটি ১২ বছৰীয়া কিশোৰ । কিশোৰটিৰ বয়স এতিয়া বিদ্যালয়লৈ যোৱা, লগৰ সমনীয়াৰ লগত খেলা-ধূলা কৰা । কিন্তু এই বয়সত কিশোৰটোৱে পঢ়া-শুনাৰ লগতে দুবেলা দুমুঠিৰ যোগাৰ কৰাত ব্যস্ত হৈ পৰিছে । কচু, ঢেঁকীয়া, ঔ টেঙা বিক্ৰী কৰি অন্ধ মাতৃক পোহপাল দিছে ।

এই কিশোৰজনৰ নাম পঙ্কজ গগৈ । ঘৰ গোলাঘাট জিলাৰ থুৰামুখৰ কাঠকটীয়াত । দেউতাকৰ মৃত্যু হৈছিল দহ বছৰ পূৰ্বেই । দেউতাকৰ মৃত্যুৰ পাছৰে পৰা মাতৃ ভনী গগৈয়ে দিন হাজিৰা কৰি পোহপাল দি আছিল । কিন্তু ভাগ্যৰ চক্ৰত মাতৃ এক ঘটনাক্ৰমে অন্ধ হৈ পৰে । তাৰ পাছৰে পৰাই কণমানিটোৱে কচু, ঢেঁকীয়া বিক্ৰী কৰিয়েই জীৱন অতিবাহিত কৰিব লগা হৈছে ।

ইফালে কণমানিটোৰ ঘৰৰ অৱস্থাও জৰাজীৰ্ণ । ভিতৰত বহিবলৈ বা শুবলৈ একো নাই । অন্ধ মাতৃক চিকিৎসাৰ বাবেও লাগে পৰ্যাপ্ত পৰিমাণৰ ধন। ইয়াৰোপৰি মাতৃক পোহপাল দিওঁ তাৰ মাজতে চলাই যাব লগা হৈছে নিজৰ পঢ়া-শুনা । প্ৰতিদিনে মাতৃক পৰিচৰ্যা কৰি ওলাই যাব লাগে বিদ্যালয়লৈ ।

সামাজিক মাধ্যমৰ জৰিয়তে সৰুপথাৰ সমষ্টিৰ অন্তৰ্গত এই পৰিয়ালটোৰ খবৰ পাই বিধায়িকা ৰজলীনা তিৰ্কীয়ে প্ৰতিনিধি পঠাই সহায় কৰাৰ আশ্বাস দিয়ে। ইয়াৰোপৰি পূব মৰ‌ঙি আটছু আঞ্চলিক সমিতিৰ অনুৰোধ, কোনো সদাশয় লোকে যাতে সহায় কৰি উদ্ধাৰ কৰে দুৰ্ভগীয়া পৰিয়ালটোক।

Comments

comments

You may also read!

বঙাইগাঁৱত কোচ ৰাজবংশী জাতীয় মঞ্চৰ ধৰ্ণা

বঙাইগাঁও, সংবাদ ৩৬৫, ২৮ ফেব্ৰুৱাৰী: নিউ বঙাইগাঁওস্থিত ৰে'লৱে ডবা মেৰামতি কাৰখানা বি টি আৰত অন্তৰ্ভুক্তিকৰণৰ বিৰুদ্ধে প্ৰতিবাদী কাৰ্যসূচী।প্ৰধানমন্ত্ৰী নৰেন্দ্ৰ

Read More...

মিৰ্জাৰ বটলিং প্লান্তত ৩ দিনীয়া যান-বাহন চলোৱাৰ লগতে নিয়ম সন্দৰ্ভত সজাগতা প্ৰশিক্ষণ

মিৰ্জা, সংবাদ ৩৬৫, ২৮ ফেব্ৰুৱাৰী: ৰাজ্যত নিতৌ সংঘটিত হৈ থকা পথদুৰ্ঘটনাত বহু লোক ঘুণীয়া হোৱাৰ লগতে বহু লোকে হেৰুৱালগীয়া

Read More...

উত্তৰ-পূৱৰ দুৰ্গম এলেকাবোৰক এতিয়াৰে পৰা দিয়া হ’ব ঋণৰ ব্যাপক সুবিধা : চাহ বাগান অধ্যুষিত জিলাবোৰত বেংকিং সেৱাৰ উপলব্ধতা বৃদ্ধি কৰা হ’ব – কেন্দ্ৰীয় বৃত্তমন্ত্ৰী নিৰ্মলা সীতাৰমণ

গুৱাহাটী, সংবাদ ৩৬৫, ২৭ ফেব্ৰুৱাৰী: গুৱাহাটীত বাণিজ্য আৰু উদ্যোগ ক্ষেত্ৰৰ প্ৰতিনিধি, শিক্ষাবিদ, অৰ্থনীতিবিদ আৰু নীতি নিৰ্ধাৰণকাৰীসকলৰ সৈতে মত-বিনিময় কেন্দ্ৰীয়

Read More...

Mobile Sliding Menu