গুৱাহাটী, সংবাদ ৩৬৫, ২৪ জুন : বিগত বৰ্ষৰ দৰে ৰাজ্যখনৰ বিভিন্ন ক্ষেত্ৰৰ কেইবাগৰাকীও বিশিষ্ট ব্যক্তিক প্ৰদান কৰা হব ৰ’দালিৰ তৰফৰ পৰা এক বিশেষ সন্মান । ৰ’দালি হৈছে ৰাজ্যৰ এক অগ্ৰণী সামাজিক – সাংস্কৃতিক গোষ্ঠী । ইতিমধ্যে বিচাৰক মণ্ডলীয়ে নিৰ্বাচন কৰি উলিয়াইছে ৰাজ্যৰ ভ্ৰাম্যমাণ থিয়েটাৰ, বোলছবি, মিউজিক ভিডিও শিতানত যোগদান কৰাসকলৰ পুৰস্কাৰ বিজয়ীসকলৰ নাম।
এই বৰ্ষত সাংবাদিক তথা প্ৰাগ নিউজ চেনেলৰ মুখ্য সম্পাদক অজিত ভূঞালৈ “সংবাদ ৰত্ন” , বিশিষ্ট সমাজকৰ্মী জাহ্নৱী গোস্বামী আৰু ওম প্ৰকাশ ধুতলৈ ” সমাজ ৰত্ন “, বৰ্ষীয়ান অভিনেতা তথা ৰঙা পুলিচ খ্যাত তিলমিজুৰ ৰহমানলৈ ” অভিনয় ৰত্ন “, গীতিকাৰ, সুৰকাৰ জেতবন বৰুৱালৈ ” সংগীত ৰত্ন “, নৃত্য নিৰ্দেশক শান্তুমণি শৰ্মালৈ “নৃত্য ৰত্ন ” তথা প্ৰিয়ম হাজৰিকালৈ ৰ’দালি বিশেষ সন্মান প্ৰদান কৰা হ’ব। ইফালে ৰ’দালিৰ ২০১৮-১৯ বৰ্ষৰ ” সৰ্বশ্ৰেষ্ঠ সাংবাদিকতাৰ বঁটা” ডিব্ৰুগড়ৰ নিউজ লাইভ চেনেলৰ সংবাদদাতা সুৰজ দত্তলৈ আগবঢ়োৱা হৈছে । প্ৰাগ নিউজ চেনেলৰ লোক সংগীতৰ অন্যতম অনুষ্ঠান ” লোক ৰত্ন গভা ডঃ ডলী দাস সোঁৱৰণী দিহা নাম ” অনুষ্ঠানটিলৈ ৰ’দালি বিশেষ বঁটা সন্মান ।