ৰঙিয়া, ২৭ অক্টোবৰঃ ষট্ পূজাৰ আনন্দ উল্লাসৰ মাজতে ৰঙিয়াত এটি কিশোৰে অকাল মৃত্যুক সাবতিৱলগীয়া হোৱা ঘটনাই অঞ্চলজুৰি শোকাকুল পৰিবেশ সৃষ্টি কৰিছে৷ প্ৰাপ্ত তথ্য মতে, মৃত ছাত্ৰজন নৱম শ্ৰেণীৰ ছাত্ৰ অৰিজিত দে৷ ৰঙিয়াৰ বৰলীয়া নৈৰ বনগাওঁ ঘাটত শুক্ৰবাৰে  পুৱা আত্মীয় আৰু বন্ধুৰ সৈতে কিশোৰজনে ষট্ পূজালৈ যায়। নদীৰ পানীত প্ৰাৰ্থনা কৰিবলৈ নামি যোৱাৰ পিছতে অৰিজিত ডুব যায়। লগে লগে স্থানীয় লোকে অৰিজিতক পানীৰ পৰা উদ্ধাৰ কৰি চিকিৎসালয়লৈ নিয়ে৷ চিকিৎসকে অৰিজিতৰ পৰীক্ষা কৰি মৃত বুলি ঘোষণা কৰে।