তিনিচুকীয়া জিলা অসামৰিক চিকিৎসালয় পৰিদৰ্শন কৰাৰ লগতে জিলাখনৰ ক’ভিড পৰিস্থিতি পর্যালােচনা কৰিলে মুখ্যমন্ত্ৰীয়ে

In ৰাজ্য
Umra Package

গুৱাহাটী 

১৫ মে’

মুখ্যমন্ত্রী ড° হিমন্ত বিশ্ব শৰ্মাই শনিবাৰে তিনিচুকীয়া জিলা অসামৰিক চিকিৎসালয় পৰিদৰ্শন কৰি হাস্পতালখনৰ চিকিৎসক তথা অন্যান্য বিষয়াসকলৰ পৰা ক’ভিড ৰােগীৰ চিকিৎসাৰ ব্যৱস্থাপনাৰ বিতং বুজ লয়। মুখ্যমন্ত্ৰীয়ে চিকিৎসালয়খনত বৰ্তমানৰ ক’ভিড ৰােগীৰ সংখ্যা, আই চি ইউ বিচনা, ঔষধ, অক্সিজেনৰ পর্যাপ্ততা ইত্যাদি বিষয়েও বুজ লয়।

ইয়াৰ পিছতে মুখ্যমন্ত্ৰীয়ে তিনিচুকীয়া জিলাৰ উপায়ুক্তৰ কাৰ্যালয়ৰ সভাকক্ষত কেন্দ্রীয় খাদ্য সংসাধন দপ্তৰৰ ৰাজ্যিক মন্ত্ৰী ৰামেশ্বৰ তেলী, চাহ জনজাতি কল্যাণ বিভাগৰ মন্ত্রী সঞ্জয় কিষাণ, বিধায়কসকল ক্রমে বলীন চেতিয়া, ভাস্কৰ শৰ্মা, সুৰেন ফুকন, তৰংগ গগৈ আৰু ৰূপেশ গােৱালাৰ উপস্থিতিত জিলা প্রশাসন তথা স্বাস্থ্য বিভাগৰ সৈতে এক বৈঠকত মিলিত হয়। উক্ত বৈঠকত তিনিচুকীয়া জিলাৰ উপায়ুক্ত আৰু স্বাস্থ্য সেৱাৰ যুটীয়া সঞ্চালকে জিলাখনৰ সাম্প্রতিক ক’ভিড পৰিস্থিতি, স্বাস্থ্য বিভাগে গ্ৰহণ কৰা পদক্ষেপ, ক’ভিড ৰােগীৰ চিকিৎসাৰ বাবে যাৱতীয় অতিৰিক্ত ব্যৱস্থা ইত্যাদি বিষয়ে মুখ্যমন্ত্ৰীক সবিশেষ অৱগত কৰে।

মুখ্যমন্ত্ৰীয়ে জিলাখনত প্রতিদিনে অতি কমেও ৫০০ টা আৰ টি পি চি আৰ পৰীক্ষাসহ ন্যূনতম ২ হাজাৰ টা ক’ভিড পৰীক্ষা সম্পন্ন কৰাৰ নিশ্চিত পদক্ষেপ ল’বলৈ স্বাস্থ্য বিভাগক নির্দেশ প্রদান কৰে। জিলাখনত বিগত কিছুদিন ধৰি প্ৰতিদিনে ১৫০ ৰ পৰা ২০০ গৰাকী পর্যন্ত ক’ভিড ৰােগী চিনাক্ত হােৱাৰ পৰিপ্ৰেক্ষিতত জনসাধাৰণৰ সুৰক্ষাৰ স্বাৰ্থত সান্ধ্য আইনৰ সময় দুঘন্টা আগুৱাই আনিবলৈও মুখ্যমন্ত্ৰীয়ে বৈঠকত জিলা উপায়ুক্তক পৰামৰ্শ আগবঢ়ায়।

জিলাখনত যাতে চিকিৎসাৰ বাবে পর্যাপ্ত পৰিমাণৰ অক্সিজেন উপলব্ধ কৰােৱাব পৰা যায় তাৰ বাবে তিনিচুকীয়া জিলা অসামৰিক চিকিৎসালয়ত শীঘ্ৰে এটা অক্সিজেন জেনেৰেশ্যন প্লান্ট গঢ়ি তােলাৰ লগতে আই চি ইউ বিচনাৰ সংখ্যা তাৎক্ষণিকভাৱে বৃদ্ধি কৰাৰ ব্যৱস্থা ল’বলৈও ৰাষ্ট্রীয় স্বাস্থ্য অভিযান, অসমৰ সঞ্চালকক মুখ্যমন্ত্ৰীয়ে বৈঠকত নির্দেশ প্রদান কৰে।

You may also read!

Salon Azure : গুৱাহাটীত মুকলি হ’ল আমেৰিকাৰ চেলুন ব্ৰেণ্ড আজুৰৰ প্ৰথমটো আউটলেট

গুৱাহাটী : আমেৰিকা যুক্তৰাষ্ট্ৰৰ স্বনামধন্য আন্তঃৰাষ্ট্ৰীয় চেলুন ব্ৰেণ্ড, চেলুন আজুৰে (Salon Azure) ২৭ নৱেম্বৰত গুৱাহাটীৰ উলুবাৰীত পূব ভাৰতৰ প্ৰথমটো

Read More...

Deepor Beel : দীপৰ বিলে হেৰুৱাবলৈ ধৰিছে ৰামচাৰ ক্ষেত্ৰৰ বৈশিষ্ট্য সমূহ

Shivani Saikia গুৱাহাটী : ২০০২ চনৰ নৱেম্বৰ মাহত দীপৰ বিলে ৰামচাৰ ক্ষেত্ৰ হিচাপে স্বীকৃতি লাভ কৰিছিল। দীপৰ বিলে অসমৰ একমাত্ৰ

Read More...

National Milk Day : পূৰবী ডেইৰীৰ ৰাষ্ট্ৰীয় দুগ্ধ দিৱস উদযাপন

গুৱাহাটী :  অসমৰ সৰ্ববৃহৎ ডেইৰী কোপাৰেটিভ পূৰবী ডেইৰীয়ে ২৬ নৱেম্বৰত “ভাৰতৰ শ্বেত বিপ্লৱৰ পিতৃ’’, “ভাৰতৰ দুগ্ধমানৱ হিচাপে খ্যাত” ড০

Read More...

Mobile Sliding Menu