ভ্ৰাম্যমাণৰ মঞ্চৰ এজন সুদক্ষ অভিনেতা ৰাজীৱ ৰাজনীশ

In বিনোদন

অজয় দাসৰ সহযোগত ধনজিৎ দাস

ৰাজীৱ ৰাজনীশ ভ্ৰাম্যমাণ মঞ্চৰ এজন সুদক্ষ আৰু প্ৰতিভাবান অভিনেতা যিজন অভিনেতাই নিজৰ সুকীয়া অভিনয়ৰ দক্ষতাৰে অভিনয় কৰি আছে ভ্ৰাম্যমাণ জগতত।সৰুৰে পৰা ফুটবল আৰু ক্ৰিকেট খেলত সুনাম কঢ়িয়াবলৈ সক্ষম হোৱাৰ ৰাজীৱ ৰাজনীশ অংকীয়া নাটৰ যোগেদিও ৰাজ্যবাসীৰ মাজত চিনাকি হৈ পৰিছিল। ৰাজীৱ ৰাজনীশ পোন প্ৰথমবাৰৰ বাবে কেমেৰাৰ সন্মুখত আহিছিল ৰাজেশ ভূঞাৰ পৰিচালিত “জেতুকা”ৰ জৰিয়তে। পিছত ক্ৰমে মানস ভাগৱতীৰ “ঢুলীয়া”, “মনফাগুনী” আৰু ৰাজেশ ভূঞাৰ “জোনবাই”ত অভিনয় কৰি অভিনয় জগতখনত নিজৰ এক সুকীয়া স্থান দখল কৰিবলৈ সক্ষম হৈছিল। অভিনেতাজন ৰং আৰু ৰেঙণি চেনেলৰ ধাৰাবাহিক “প্ৰতিছব্বি”, “শাহু-বোৱাৰী”, “অনুৰাধা”, “বেহাৰবাৰী আউটপোষ্ট”ৰ লগতে বিভিন্ন ধৰণৰ ধাৰাবাহিকটো অভিনয় কৰিছে।

অভিনেতা ৰাজীৱ ৰাজনীশ পোন প্ৰথমবাৰৰ বাবে ভ্ৰাম্যমাণ জগতখনত খোজ পেলাইছিল ৰাজশ্ৰী থিয়েটাৰৰ জৰিয়তে। অভিনেতাজনে হেঙুল থিয়েটাৰত ১ বছৰ আৰু কহিনুৰ থিয়েটাৰত ৩ বছৰ অভিনয় কৰাৰ পিছত বৰ্তমান সূৰ্য্যৰ মঞ্চত অভিনয় কৰি আছে। অভিনেতা ৰাজীৱ ৰাজনীশ “বা বাবলি বা”, “নবীন মাস্তাৰ”, “বিজয়া দশমী”, “দেৱদাস”, “ডি এচ পি দূৰ্গা”, “মুক্তি”, “বডিৰ্গাড”, “ত্যাজ্যপুএ” দৰে জনপ্ৰিয় নাটকত অভিনয় কৰি সুনাম কঢ়িয়াবলৈ সক্ষম হোৱাৰ লগতে ত্যাজ্যপুএ’ নাটখনত জনপ্ৰিয় অভিনেতা ভৱেশ বৰুৱাৰ জোৱাইয়েৰ চৰিত্ৰত অভিনয় কৰি নিজৰ দক্ষতা দাঙি ধৰে। চলিত বৰ্ষত “দাদাগিৰি” নাটখনত যতীন বৰাৰ বিপৰীতে খলনায়ক চৰিত্ৰত সুন্দৰ অভিনয়ৰে দৰ্শকৰ হৃদয় স্পৰ্শ কৰিবলৈ সক্ষম হৈছে অভিনেতা ৰাজীৱ ৰাজনীশে। “সংবাদ৩৫৫”ৰ তৰফৰ পৰাও অভিনেতা জনৰ সফল জীৱন কামনা কৰিলো।

Comments

comments

You may also read!

আৰ্টিষ্ট গ্ৰীল্ডত প্ৰহৰৰ সপ্তম বাৰ্ষিক চিত্ৰ প্ৰদৰ্শনী

গুৱাহাটী, সংবাদ ৩৬৫, ২৪ আগষ্ট : গুৱাহাটীৰ চান্দমাৰীস্থিত আৰ্টিষ্ট গ্ৰীল্ডত শনিবাৰৰ পৰা আৰম্ভ হৈছে প্ৰহৰৰ সপ্তম বাৰ্ষিক চিত্ৰ প্ৰদৰ্শনী।

Read More...

বহু ৰহস্যৰ কুহেলিকা ভঙাৰ আগতেই জ্বলি শেষ হৈ যাব নেকি “ধৰিত্ৰীৰ কলিজা” : ব্যৱহাৰ কৰিব লাগিব নেকি অক্সিজেন মাক্স

নন্দিনী মহন্তৰ বিশেষ প্ৰতিবেদন, সংবাদ ৩৬৫, ২৪ আগষ্ট : পৃথিৱীৰ প্ৰায় বিশ শতাংশতকৈও অধিক অক্সিজেন সৃষ্টি হোৱা এক অঞ্চল আমাজন বর্ষাৰণ্য ।

Read More...

মুকাভিনয় জৰিয়তে ৰাষ্ট্ৰীয় প্ৰেক্ষাপটত উজ্বলিল অসম সন্তান

গুৱাহাটী, সংবাদ ৩৬৫, ২৪ আগষ্ট : মুকাভিনয়ৰ জৰিয়তে ৰাষ্ট্ৰীয় প্ৰেক্ষাপতত উজ্বলিল অসম সন্তান । মুকাভিনয়ৰ বাবে ভাৰত চৰকাৰৰ সংগীত,নাট-নৃত্য

Read More...

Mobile Sliding Menu