মাঞ্জা আৰক্ষীৰ জালত বিলাসী বাহনসহ চাৰি দূৰ্ধৰ্ষ গাড়ীচোৰ

In ৰাজ্য
Umra Package

ডিফু

৩০ অক্টোবৰ

মাঞ্জা আৰক্ষীৰ বৃহৎ সাফল্য। বিলাসী বাহনসহ আটক কৰিলে চাৰি দূৰ্ধৰ্ষ গাড়ীচোৰক। গাড়ী চুৰিচক্ৰৰ চাৰিও সদস্য মণিপুৰৰ। গুৱাহাটীৰ ল’জত বাহৰ পাতি চক্ৰটোৱে নিয়ন্ত্ৰণ কৰে গাড়ী চুৰিৰ সমগ্ৰ কাৰ্য।

আন্তৰাজ্যিক গাড়াচোৰ চক্রৰ বিৰুদ্ধে শেহতীয়াকে এক বিশেষ আভযানৰ নেতৃত্ব দিয়া কাৰ্বি আংলং জিলাৰ মাঞ্জা থানাৰ ভাৰপ্রাপ্ত বিষয়া জিতুমণি ডেকাৰ নেতৃত্বত আৰক্ষীয়ে মাঞ্জা আৰু গুৱাহাটীত অভিযান চলাই এখন চুৰি ক্রেটাসহ গাড়ীচোৰ চক্রৰ সৈতে জড়িত চাৰিটা দুর্ধর্ষ গাড়ীচোৰক গ্রেপ্তাৰ কবিবলৈ সক্ষম হৈছে। মাঞ্জা থানাৰ ভাৰপ্রাপ্ত বিষয়া জিতুমণি ডেকাৰ নেতৃত্বত আৰক্ষীৰ এটা দলে মাঞ্জা থানাৰ সন্মুখত চলােৱা নিয়মীয়া তালাচীৰ সময়ত এখন ক্রেটা বাহন প্রত্যক্ষ কৰে। সন্দেহবশত আৰক্ষীয়ে বাহনখনৰ সমস্ত নথি-পত্র পৰীক্ষা কৰাত বাহনখনৰ চেচিছ নম্বৰ আৰু ইঞ্জিন নম্বৰৰ তথ্যৰ লগতে অন্যান্য নথি পত্রত যথেষ্ট ক্রুটি প্রত্যক্ষ কৰে। এই সন্দৰ্ভত আৰক্ষীয়ে জানিবলে দিয়া অনুসৰি বাহনখনৰ প্রকৃত ইঞ্জিন নম্বৰ জ্বলাই দি নষ্ট কৰি ইয়াৰ নম্বৰ সলনি কৰা হৈছিল। বাহনখন চুৰি বাহন বুলি নিশ্চিত হােৱাৰ পিছতে আৰক্ষীয়ে বাহনখনৰ দুই আৰোহীক লগে লগে আটক কৰে। ধৃত গাড়ীচোৰ দুটা ইম্ফলৰ এণ্ড থানাৰ অন্তর্গত আংগাথা মামাং লেইকাইৰ লইটংবাম শিশিকান্ত সিং আৰু একে ঠাইৰে যুমলেমবাম মাংগলেমবা সিং বুলি চিনাক্ত কৰা হয়। ধৃত দুয়ােগৰাকীয়ে গুৱাহাটীৰ এজন দালালৰ জৰিয়তে পুৰণি বাহন বিক্রী কৰা শ্ব’ৰুমৰ পৰা বাহনখন ক্রয় কৰা বুলি আৰক্ষীক স্বীকাৰোক্তি দিয়া। ৭,৩৫,৭০০ টকাত ক্রয় কৰা বিলাসী বাহনখন ৰহস্যজনকভাৱে বিক্রেতাই শ্ব’ৰুমৰ পৰিবর্তে যােৰাবাটৰ ৰাজপথতহে ক্ৰেতা দুগৰাকীৰ হাতত অর্পণ কৰা বুলি আৰক্ষীক অৱগত কৰে। আনহাতে, ধৃত দুয়ােৰে স্বীকাৰোক্তিৰ ভিত্তিত কার্বি আংলং জিলাৰ আৰক্ষী অধীক্ষক দেবজিৎ দেউৰীৰ নেতৃত্বত মাঞ্জা থানাৰ ভাৰপ্রাপ্ত বিষয়া জিতুমণি ডেকাৰ নেতৃত্বত আৰক্ষীৰ এটা দলে দিছপুৰ থানাৰ আৰক্ষীৰ সহযােগত গুবাহাটীত অভিযান চলাই ডাউন টাউনৰ গােস্বামী ল’জৰ পৰা আন্তঃৰাজ্যিক গাড়ীচোৰ চক্রৰ আন দুই দুর্ধর্ষ সদস্যক গ্রেপ্তাৰ কৰিবলৈ সক্ষম হয়। ধৃত গাড়ীচোৰ দুটা ইশ্ল ইষ্ট জিলাৰ ইৰিলবুং থানাৰ অন্তর্গত থিয়াম কনজিন মামাং লেইকাই নিবাসী থিয়াম ৰমেন সিং আৰু ইস্ফল ইষ্ট জিলাৰ ইৰিলবুং থানাৰ অন্তর্গত কংবাখেত্রী লেইকাইৰ থকচম সুকুমাৰ সিং বুলি চিনাক্ত কৰা হৈছে।

উল্লনেখযােগ্য যে, কেইমাহমান পূর্বে কার্বি আংলং জিলা আৰক্ষীয়ে পাহাৰীয়া জিলাখনৰ লগতে গুৱাহাটীত অভিযান চলাই বুজনসংখ্যক বিলাসী বাহনৰ লগতে এক বৃহৎ গাড়ীচোৰ চক্রক জালত পেলাবলৈ সক্ষম হৈছিল যদিও ইয়াৰ পিছতাে চক্রতাে শক্তিশালীভাৱে ৰাজ্যখনত সক্রিয় হৈ থকা বুলি জানিব পৰা গৈছে। এই সন্দর্ভত ইতিপুর্বে মাঞ্জা থানাত পঞ্জীয়ন হৈ থকা ১৮/২০২০ নম্বৰৰ এক গােচৰৰ ভিত্তিত ধৃত আটাইকেইগৰাকীকে কাৰাগাৰলৈ প্রেৰণ কৰা হয়। আৰক্ষী সূত্রে লাভ কৰা তথ্য অনুসৰি, অপবাধী চক্রটো গুৱাহাটীৰ বিভিন্ন সৰু সৰু ল’জত বাহৰ পাতি গাড়ীচুৰি কার্যৰ সমগ্র কর্মকাণ্ড নিয়ন্ত্রণ কৰি আহিছে।

You may also read!

Dibrugarh University : ডিব্ৰুগড় বিশ্ববিদ্যালয়ৰ কতৃপক্ষই বহিস্কাৰ কৰিলে ১৮ জন ছাত্ৰক

Shivani Saikia গুৱাহাটী : ডিব্ৰুগড় বিশ্ববিদ্যালয়ত (Dibrugarh University) ভয়ংকৰ ৰেগিংৰ ঘটনা। পদ্মনাথ গোহাঞিবৰুৱা ছাত্ৰাবাসত সংঘটিত হৈছে এই ভয়ংকৰ ৰেগিংৰ

Read More...

Sukur Ali : শুকুৰ আলীক লপা-থপা দি আৰক্ষীক গতাই দিলে ৰাইজে

Basiruddin Ahmed  ধুবুৰী : (Sukur Ali) শুকুৰ আলী বিপদত। ধন আত্মসাৎ কৰি বিপদত পৰিছে শুকুৰ আলী। কেইবাঘণ্টা ধৰি ৰাইজে আটক

Read More...

Salon Azure : গুৱাহাটীত মুকলি হ’ল আমেৰিকাৰ চেলুন ব্ৰেণ্ড আজুৰৰ প্ৰথমটো আউটলেট

গুৱাহাটী : আমেৰিকা যুক্তৰাষ্ট্ৰৰ স্বনামধন্য আন্তঃৰাষ্ট্ৰীয় চেলুন ব্ৰেণ্ড, চেলুন আজুৰে (Salon Azure) ২৭ নৱেম্বৰত গুৱাহাটীৰ উলুবাৰীত পূব ভাৰতৰ প্ৰথমটো

Read More...

Mobile Sliding Menu