সাংবাদিক পৰাগ ভূঞাৰ হত্যাকাৰীক চিনাক্ত কৰি দৃষ্টান্তমূলক শাস্তি প্ৰদানৰ দাবীত বৰপেটাত পথসভা “ইজা”ৰ

In ৰাজ্য
Umra Package

আজিজুল হক

বৰপেটা

১৩ নৱেম্বৰ

তিনিচুকীয়া জিলাৰ কাকপথাৰৰ বিশিষ্ট, সৎ, নিৰ্ভীক সাংবাদিক পৰাগ ভূঞাৰ হত্যাকাৰীক চিনাক্ত কৰি দৃষ্টান্তমূলক শাস্তি দিয়াৰ দাবীৰে শুকুৰবাৰে ইণ্ডিয়ান জাৰ্নেলিষ্ট এছোচিয়েচন চমুকৈ “ইজা”ৰ বৰপেটা জিলা সমিতিয়ে ৰূপায়ন কৰে প্ৰতিবাদী পথসভা। বৰপেটাৰ কয়াকুছি তিনিআলিত কয়াকুছি ৰাইজৰ সহযোগত ৰূপায়ন কৰা এই কাৰ্যসূচীত পৰাগ ভূঞাৰ হত্যাকাণ্ডক তীব্ৰ গৰিহণা দিয়ে সমিতিয়ে।

“ইজা”ৰ জিলা সমিতিৰ সভাপতি আব্দুল জলিলে সাংবাদিক পৰাগ ভূঞাৰ দৰে এগৰাকী নিৰ্ভীক আৰু স্পষ্টবাদী সাংবাদিকক দুষ্টচক্ৰই হত্যা কৰি সাংবাদিকৰ বাক স্বাধীনতা খৰ্ব কৰিব বিছাৰিছে বুলি কোৱাৰ লগতে দেশত গণতন্ত্ৰৰ চতুৰ্থ স্তম্ভৰূপে পৰিচিত সংবাদ মাধ্যমৰ ওপৰত নিৰ্মম অত্যাচাৰ অব্যাহত আছে বুলিও ব্যক্ত কৰে। পৰাগ ভূঞাৰ হত্যাকাৰীক চিনাক্ত কৰি উচিত শাস্তি নিদিলে ইণ্ডিয়ান জাৰ্নেলিষ্ট এছোচিয়েচনে সমগ্ৰ দেশতে আন্দোলন গঢ়ি তুলিব বুলিও জানিবলৈ দিয়ে তেওঁ। জিলা সমিতিৰ সাধাৰণ সম্পাদক মনজিৎ দাসে পৰাগ ভূঞাৰ হত্যাকাৰীক চিনাক্ত কৰি দৃষ্টান্তমূলক শাস্তি দিয়াৰ দাবী জনায়। সাংবাদিকৰ সুৰক্ষা নিশ্চিত হ’ব পৰাকৈ আইন প্ৰণয়ন কৰাৰ বাবে চৰকাৰলৈ দাবীও জনায় তেওঁ। জিলা সমিতিৰ কাৰ্যকৰী সভাপতি আজিজুল হকে এই ঘটনাৰ বাবে ঘোষণা কৰা চিআইডিৰ তদন্তৰ নামত যাতে কোনো ধৰণৰ ভেকোঁভাওনা নহয় তাৰ প্ৰতি দৃষ্টি ৰখাটো চৰকাৰৰ দ্বায়িত্ব বুলি মন্তব্য কৰে। সাংবাদিক পৰাগ ভূঞাৰ হত্যাকাৰীক গণতন্ত্ৰৰ হত্যাকাৰী বুলি মতপোষণ কৰে সাংবাদিক তথা কাৰ্যকৰী সভাপতি আজিজুল হকে। পৰাগ ভূঞাৰ পৰিয়ালৰ লোকক অসম চৰকাৰে অতি কমেও ত্ৰিছ লাখ টকা ক্ষতিপূৰণ হিচাপে প্ৰদান কৰাৰ দাবীও জনায় তেওঁ। জিলা সমিতিৰ উপদেষ্টা তথা সাংবাদিক ৰহুল আমিনে সাংবাদিক পৰাগ ভূঞাৰ হত্যাকাণ্ডই গনতন্ত্ৰৰ হত্যাযজ্ঞ চলা ইংগিত বহন কৰিছে বুলি মতপোষণ কৰে। সভাত উপস্থিত থাকি অধ্যাপক আব্দুছ ছাত্তাৰ চৌধুৰীয়ে পৰাগ ভূঞাৰ হত্যাকাণ্ডৰ উচিত তদন্ত হোৱাটো কামনা কৰে।

সমিতিৰ উপ সভাপতি প্ৰদীপ দাসে পৰাগ ভূঞাৰ হত্যাকাৰীক চিনাক্ত কৰি শাস্তি প্ৰদান নকৰিলে গণতন্ত্ৰৰ শত্ৰুস্বৰূপ সেই অপশক্তিয়ে উৎসাহ পাব বুলি মতপোষণ কৰে। সভাত বৰপেটা জিলা সমিতিৰ সমুহ বিষয়ববীয়া, জিলাখনৰ অন্য প্ৰান্তৰ সাংবাদিকৰ লগতে কয়াকুছি অঞ্চলৰ কেইবাগৰাকী বিশিষ্ট ব্যক্তিয়ে অংশগ্ৰহণ কৰি পৰাগ ভূঞাৰ হত্যাকাণ্ডৰ ঘটনাক একেস্বৰে ধিক্কাৰ দিয়ে।

You may also read!

Dibrugarh University : ডিব্ৰুগড় বিশ্ববিদ্যালয়ৰ কতৃপক্ষই বহিস্কাৰ কৰিলে ১৮ জন ছাত্ৰক

Shivani Saikia গুৱাহাটী : ডিব্ৰুগড় বিশ্ববিদ্যালয়ত (Dibrugarh University) ভয়ংকৰ ৰেগিংৰ ঘটনা। পদ্মনাথ গোহাঞিবৰুৱা ছাত্ৰাবাসত সংঘটিত হৈছে এই ভয়ংকৰ ৰেগিংৰ

Read More...

Sukur Ali : শুকুৰ আলীক লপা-থপা দি আৰক্ষীক গতাই দিলে ৰাইজে

Basiruddin Ahmed  ধুবুৰী : (Sukur Ali) শুকুৰ আলী বিপদত। ধন আত্মসাৎ কৰি বিপদত পৰিছে শুকুৰ আলী। কেইবাঘণ্টা ধৰি ৰাইজে আটক

Read More...

Salon Azure : গুৱাহাটীত মুকলি হ’ল আমেৰিকাৰ চেলুন ব্ৰেণ্ড আজুৰৰ প্ৰথমটো আউটলেট

গুৱাহাটী : আমেৰিকা যুক্তৰাষ্ট্ৰৰ স্বনামধন্য আন্তঃৰাষ্ট্ৰীয় চেলুন ব্ৰেণ্ড, চেলুন আজুৰে (Salon Azure) ২৭ নৱেম্বৰত গুৱাহাটীৰ উলুবাৰীত পূব ভাৰতৰ প্ৰথমটো

Read More...

Mobile Sliding Menu