বৰপেটা, সংবাদ ৩৬৫, ১২ ডিচেম্বৰ: বুধবাৰে ৰাজ্যত পঞ্চায়ত নিৰ্বাচনৰ ফলাফল ঘোষণা কৰা হয়। নিৰ্বাচনী ফলাফলক লৈ কি কংগ্ৰেছ, কি বিজেপি, কি এ আই ইউ ডি এফ, কি এ জি পি সকলোৰে মাজত আনন্দ উল্লাস। বৰপেটা জিলাৰ ২৭ নং ম’হচৰা গাঁও পঞ্চায়তত নিৰ্বাচনী ফলাফলত কংগ্ৰেছৰ সাফল্য। উৎফুল্লিত কংগ্ৰেছ সমৰ্থকসকলৰ টেম্পু ৰেলী। সম্পূৰ্ণ পঞ্চায়ত কংগ্ৰেছৰ দখলত। পঞ্চায়ত সভানেত্ৰী ৰাসিদা খাতুন, আঞ্চলিক পঞ্চায়ত সদস্যা সাহিদা খাতুন(বিনা প্ৰতিদ্বন্দ্বিতাৰে নিৰ্বাচিত) , ৱাৰ্ডৰ দহটাকৈ পদ নিৰ্বাচনী ফলাফলত কংগ্ৰেছৰ দখলত। ফলাফলৰ পাছত কংগ্ৰেছ সমৰ্থকসকলে টেম্পু , ট্ৰেক্টৰ লৈ ৰাজপথত কংগ্ৰেছ জিন্দাবাদ ধ্বনিৰে কপাই তোলে ম’হচৰা , কাছুমাৰা অঞ্চল। নিশাৰ ভাগতো উৎফুল্লিত সমৰ্থকৰ নিৰ্বাচিত প্ৰাৰ্থীক লৈ ওলাই আহে ৰাজপথত ৷