গুৱাহাটী, সংবাদ ৩৬৫, ২২ আগষ্ট: বুধবাৰে গুৱাহাটীত উপস্থিত হল বিজেপিৰ ৰাজ্যিক সভাপতি ৰঞ্জিত কুমাৰ দাস প্ৰয়াত প্ৰাক্তন প্ৰধান মন্ত্ৰী অটল বিহাৰী বাজপেয়ীৰ চিতাভষ্ম লৈ। মুখ্যমন্ত্ৰী সৰ্বানন্দ সোনোৱালে সভাপতি ৰঞ্জিত কুমাৰ দাসৰ পৰা বৰঝাৰ বিমানবন্দৰত গ্ৰহণ কৰে প্ৰয়াত প্ৰাক্তন প্ৰধান মন্ত্ৰী অটল বিহাৰী বাজপেয়ীৰ চিতাভষ্ম। মুখ্যমন্ত্ৰীয়ে চিতা ভস্ম সভাপতিৰ পৰা গ্ৰহন কৰাৰ পিছত বৰঝাৰ বিমানবন্দৰৰ পৰা বৃহৎ ৰেলীৰে বি জে পিৰ ৰাজ্যিক কাৰ্য্যালয়লৈ লৈ যোৱা হয় প্ৰয়াত প্ৰাক্তন প্ৰধানমন্ত্ৰী অটল বিহাৰী বাজপেয়ীৰ চিতাভষ্ম । এই যাত্ৰাত বিভিন্ন জনে ধাৰাপূৰ,বিশ্ব বিদ্যালয়কে ধৰি বিভিন্ন স্থানত প্ৰয়াত নেতা গৰাকীৰ চিতাভষ্মক শ্ৰদ্ধাঞ্জলী জ্ঞাপন কৰে। বি জে পিৰ জিলা কাৰ্য্যলয়তো শ্ৰদ্ধাঞ্জলি জ্ঞাপন কৰে সকলোৱে । বিয়লিৰ পৰা সকলো লোকে যাতে শ্ৰদ্ধাঞ্জলি দিব পাৰে তাৰ বাবে বি জে পিৰ ৰাজ্যিক কাৰ্য্যালয়ৰ ওচৰত ৰখোৱা হয় প্ৰয়াত নেতা গৰাকীৰ চিতাভষ্ম । আৰু বৃহস্পতি বাৰে মুখ্যমন্ত্ৰী সোনোৱালে ফাঁচী বজাৰ ঘাটত বিসৰ্জন দিব প্ৰয়াত প্ৰাক্তন প্ৰধানমন্ত্ৰী অটল বিহাৰী বাজপেয়ীৰ চিতা ভষ্ম ।
