বটদ্ৰৱা, সংবাদ ৩৬৫, ২৮ অক্টোবৰ: দেওবাৰে নগাওঁ জিলাৰ ৮৪নং বটদ্ৰৱা সমষ্টিৰ অন্তৰ্গত টুকটুকীত এ আই ইউ ডি এফৰ এখন সাধাৰণ সভা অনুষ্ঠিত হৈ যায়। এ আই ইউ ডি এফৰ সমষ্টি কমিটিৰ সভাপতি মোজাম্মেল হকৰ সভাপতিত্বত অনুষ্ঠিত সভা খনত কেন্দ্ৰীয় কমিটিৰ সাধাৰণ সম্পাদক নুৰুল আমিন চৌধুৰী আৰু নগাওঁ জিলা কমিটিৰ কাৰ্যকৰী সভাপতি অজিত বৰদলৈয়ে উপস্থিত থাকি দলৰ কৰ্মী সকলক আগন্তুক পঞ্চায়ত নিৰ্বাচনৰ বাবে সাজু হবলৈ আহ্বান জনায়। টুকটুকী ছায়া স্মৃতি এম ই মাদ্ৰাছাত অনুষ্ঠিত হোৱা সভাখনত নগাওঁ জিলা কমিটিৰ সাধাৰণ সম্পাদক এন্দাদুল হক ,বটদ্ৰৱা সমষ্টি কমিটিৰ সম্পাদক ফইজুল হক ,বচিৰ উদ্দিন আহম্মেদ ,টুকটুকী জিলা পৰিষদৰ দাবীদাৰ গুলাম ৰাব্বানীকে আদি কৰি প্ৰায় তিনি শতাধিক এ.আই.ইউ.ডি.এফ ৰ কৰ্মী উপস্থিত আছিল ৷
