কলগাছিয়া, সংবাদ ৩৬৫, ১ নৱেম্বৰ: বৰপেটা জিলাৰ কলগাছিয়াৰ চানপুৰত বুধবাৰে নিশা এক ভয়াৱহ অগ্নিকাণ্ড সংঘটিত হয়। চানপুৰ গাঁৱৰ আলী অকবৰ নামৰ ব্যক্তি এগৰাকীৰ ৰান্ধনী ঘৰৰ পৰা সূত্ৰপাত হোৱা জুইয়ে বিধ্বংসী অগ্নিকাণ্ডৰ ৰূপ লৈ ঘটে এই অগ্নিকাণ্ড। ফলত এই অগ্নিকাণ্ডত আলী আকবৰৰ দুটা ঘৰ সম্পূৰ্ণৰূপে ভস্মীভূত হোৱাৰ লগতে ঘৰৰ ভিতৰত মজুত থকা ৪০ মোন মৰাপাট, ২৫ মোন ধান, দুটা পশুধন, হাঁহ-কুকুৰাৰ লগতে চাইকেল, মোবাইলৰ উপৰিও নগদ ৪৫ হেজাৰ টকা পুৰি ছাই হৈ যায়। এই অগ্নিকাণ্ডত আলী আকবৰৰ ৫ লাখ টকাৰ সা-সম্পত্তিৰ ক্ষতি সাধন হৈছে বুলি জানিব পৰা গৈছে।