নিউজ ডেস্ক, সংবাদ ৩৬৫, ১৫ নৱেম্বৰ : ৰাসৰ আনন্দৰ পথ দুৰ্ঘটনা। ৰাজ্যৰ দুই স্থানত ক্ৰমে বৰপেটা আৰু ওদালগুৰিত সংঘটিত হয় পথ দুৰ্ঘটনা।
ওদালগুৰিৰ এখন ফাৰ্মাচীত কৰ্মৰত দীপক কাৰ্কী(২১) নামৰ যুৱকজন মটৰ চাইকেল দূৰ্ঘটনাত গুৰুতৰ ভাৱে আহত হয়। নিশা প্ৰায় ৯ মান বজাত ওদালগুৰি বুধবৰীয়া বজাৰৰ পথৰ ওপৰত উদ্ধাৰ ৰাইজে উদ্ধাৰ কৰে যুৱকজনক আৰু সংকটজনক অৱস্থাত গুৱাহাটীলৈ প্ৰেৰণ কৰে।
ইফালে, বৰপেটাৰোডৰ পৰা হাউলী চহৰৰ ৰাস মহোৎসৱ অভিমুখে আহি থকাৰ সময়তে সংঘটিত হয় আন এক দুৰ্ঘটনা। হাউলী ৰাস মহোৎসৱৰ সমীপৰ ৩১নং ৰাষ্ট্ৰীয় ঘাইপথত এখন ট্ৰাকৰ পিছফালে খুন্দা মৰাত নিহত হয় ৰাতুল পাঠক নামৰ এজন যুৱক। যুৱকজনৰ ঘৰ বৰপেটাৰোডৰ সমীপৰ গুৱাগাছাত বুলি জানিব পৰা হৈছে।