গোলাঘাট, ১৮ ডিচেম্বৰ, ২০২৩ : দুখন বাহনৰ মাজত মুখামুখি সংঘর্ষ। এই ভয়ংকৰ পথ দুর্ঘটনাত থিতাতে নিহত চাৰিজনকৈ লোক (Four Killed)। আহত হৈছে আন চাৰিজন লোক। আহত সকলক চিকিৎসালয়ত ভৰ্তি। নিহত সকলৰ পৰিচয় বৰ্তমানেও জানিব পৰা হোৱা নাই। ৩৯ নং ৰাষ্ট্ৰীয় ঘাইপথত সংঘটিত হৈছে এই ভয়ংকৰ পথ দুর্ঘটনা।
সোমবাৰে পুৱাৰ ভাগতে এক ভয়ংকৰ পথ দুর্ঘটনাত থিতাতে নিহত হয় চাৰিজনকৈ লোক। এই ভয়ংকৰ পথ দুর্ঘটনাত আন চাৰিজন লোক গুৰুত্বৰভাৱে আগত হয়। গোলাঘাট জিলাৰ ধনশিৰি মহকুমাৰ কাষত সংঘটিত হৈছে এই ভয়ংকৰ পথ দুর্ঘটনা। দুখন বাহনৰ মাজত মুখামুখি সংঘর্ষৰ ফলত চাৰিজনকৈ লোক নিহত হোৱাৰ লগতে আহত হৈছে আন চাৰিজন লোক।
সোমবাৰে গোলাঘাট জিলাৰ ধনশিৰি মহকুমাৰ কাষত বৰপথাৰ আৰক্ষী থানাৰ অন্তৰ্গত হলৌখোৱাত কাৰ্বি আংলংৰ মাজেৰে যোৱা ৩৯ নং ৰাষ্ট্ৰীয় ঘাইপথত সংঘটিত হয় এই ভয়ংকৰ পথ দুর্ঘটনা। নাগালেণ্ডৰ ডিমাপুৰৰ পৰা গোলাঘাট অভিমুখে আহি থকা এখন বাহনৰ গোলাঘাট দিশৰ পৰা গৈ থকা আন এখন বাহনৰ সৈতে মুখামুখি সংঘর্ষ হয়। ফলত চাৰিজনকৈ লোক থিতাতে নিহত হোৱা লগতে আহত হয় আন চাৰিজন লোক।
দুর্ঘটনাত পতিত হোৱা বাহন দুখনৰ পঞ্জীয়ন নম্বৰ হৈছে এএছ-০১-এফজে-৪১১৪ আৰু এনএল-০৪-চি-৩৮০১। এএছ-০১-এফজে-৪১১৪ নম্বৰৰ থাৰ বাহনখনৰ মুখামুখি সংঘৰ্ষ হয় এনএল-০৪-চি-৩৮০১ নম্বৰৰ জিপচী বাহনখনৰ লগত। আহত সকলক ততাতৈয়াকৈ বোকাজান চিকিৎসালয়লৈ প্ৰেৰণ কৰা হয়। আনহাতে নিহত সকলৰ পৰিচয় বর্তমানেও জানিব পৰা হোৱা নাই। দুর্ঘটনা সন্দৰ্ভত আৰক্ষীয়ে তদন্ত আৰম্ভ কৰিছে।