নিউজ ডেস্ক, ২৭ নৱেম্বৰ, ২০২৪ : উত্তৰ-পূব সীমান্ত ৰে’লৱেই ২০২৪-২৫ বিত্তীয় বৰ্ষত (Financial Year) ইয়াৰ সৌৰ শক্তিৰ ক্ষমতা যথেষ্ট বৃদ্ধি কৰি বহনক্ষম উন্নয়ন আৰু শক্তি দক্ষতাৰ প্ৰতি নিজৰ প্ৰতিশ্ৰুতি পুনৰ প্ৰতিফলিত কৰিছে। ইয়াৰ কাৰ্বন ফুটপ্ৰিন্ট হ্ৰাস কৰাৰ লগতে নৱীকৰণযোগ্য শক্তি গ্ৰহণ কৰাৰ দিশত চলি থকা প্ৰয়াসৰ অংশ হিচাপে, ২০২৪ চনত এপ্ৰিল আৰু অক্টোবৰ মাহৰ ভিতৰত উত্তৰ পূব সীমান্ত ৰে’লৱেই ইয়াৰ অধিক্ষেত্ৰৰ অধীনত ১২৭৭ কেডব্লিউপিৰ সামগ্ৰিক সৌৰ ক্ষমতা উৎপাদন হৈ আছে।
ইয়াৰ সমগ্ৰ মণ্ডলসমূহত অতিৰিক্ত সৌৰ শক্তি প্ৰকল্প স্থাপনৰ এক সাক্ষীস্বৰূপ এই পদক্ষেপ; অৰ্থাৎ ৬৭২ কেডব্লিউপিৰ সৈতে শীৰ্ষ স্থানত ৰঙিয়া মণ্ডল, তাৰ পিছতে লামডিং মণ্ডলত ৫৪৫ কেডব্লিউপি আৰু আলিপুৰদুৱাৰ মণ্ডলে ৬০ কেডব্লিউপিৰ অৰিহণা যোগাইছে। উত্তৰ পূব সীমান্ত ৰে’লৱেই ইয়াৰ সমগ্ৰ সংমণ্ডলত সৌৰ ক্ষমতা এতিয়া ৩১ অক্টোবৰ, ২০২৪ তাৰিখ পৰ্যন্ত এক উল্লেখনীয়ভাৱে ৭৩৯৯ কেডব্লিউপিত উপনীত হৈছে। এই উল্লেখযোগ্য অৱদানৰ ভিতৰত লামডিং মণ্ডলত (২৮৮২ কেডব্লিউপি), ৰঙিয়া মণ্ডলত (১১৪৬ কেডব্লিউপি), কাটিহাৰ মণ্ডলত (৬১০ কেডব্লিউপি), আলিপুৰদুৱাৰ মণ্ডলত (৪৪১ কেডব্লিউপি), তিনিচুকীয়া মণ্ডলত (১৯০ কেডব্লিউপি) আৰু নিউ বঙাইগাঁও আৰু ডিব্ৰুগড় ৱৰ্কশ্বপত প্ৰত্যেকতে ১০০০ কেডব্লিউপি সৌৰ প্ৰকল্প আছে।
উত্তৰ পূব সীমান্ত ৰে’লৱেৰ মুখ্য কাৰ্যালয়তো ১৩০ কেডব্লিউপি সৌৰ শক্তি উৎপাদন ক্ষমতাও আছে। এই সৌৰ ক্ষমতা স্থাপনৰ প্ৰকল্পসমূহে উত্তৰ পূব সীমান্ত ৰে’লৱেৰ বিৰল পৰম্পৰাগত শক্তি উৎসৰ ওপৰত ইয়াৰ নিৰ্ভৰশীলতা হ্ৰাস কৰাত সহায় কৰিছে আৰু নৱীকৰণযোগ্য শক্তিৰ সৈতে বহনক্ষম পৰিচালনৰ এক উদাহৰণ দাঙি ধৰিছে। অনাগত সময়ত, উত্তৰ পূব সীমান্ত ৰে’লৱে ইয়াৰ সৌৰ শক্তি আন্তঃগাঁথনি সম্প্ৰসাৰিত কৰাৰ ক্ষেত্ৰত যথেষ্ট অগ্ৰগতি লাভ কৰিছে। বৰ্তমানে, বিভিন্ন মণ্ডলত অতিৰিক্ত ৩৯৩৫ কেডব্লিউপি সৌৰ ক্ষমতা প্ৰকল্পৰ কাম নিৰ্মাণাধীন অৱস্থাত আছে আৰু শক্তি উৎপাদনৰ বাবে এক উল্লেখযোগ্য ৪০,৪১১ কেডব্লিউপি সৌৰ শক্তি প্ৰকল্পৰ বাবে নিবিদা আমন্ত্ৰণ কৰা হৈছে।
এই উচ্চাভিলাষী পৰিকল্পনাই ভাৰতীয় ৰে’লৱে নেটৱৰ্কৰ ভিতৰত সেউজ শক্তি গ্ৰহণৰ ক্ষেত্ৰত উত্তৰ পূব সীমান্ত ৰেলৱেক আৰু অধিক আগশাৰীৰ স্থান প্ৰদান কৰিব।উত্তৰ পূব সীমান্ত ৰে’লৱেৰ “গো গ্ৰীণ” পদক্ষেপসমূহে পৰিৱেশ ব্যৱস্থাপনা আৰু শক্তি সংৰক্ষণৰ প্ৰতি ইয়াৰ দৃঢ় প্ৰতিশ্ৰুতিকেই প্ৰদৰ্শন কৰিছে। নৱীকৰণযোগ্য শক্তিৰ ব্যৱহাৰৰ দ্বাৰা, উত্তৰ পূব সীমান্ত ৰে’লৱেই কেৱল ইয়াৰ কাৰ্বন নিৰ্গমন হ্ৰাস কৰাই নহয়, লগতে দেশৰ বহনক্ষম উন্নয়ন আৰু স্বচ্ছ শক্তি গ্ৰহণৰ দিশত এক বিস্তৃত লক্ষ্যত অৰিহণা যোগাইছে। উত্তৰ পূব সীমান্ত ৰে’লৱেই পৰিৱেশ-অনুকূল আৰু দক্ষ পৰিবহন সেৱা প্ৰদান কৰাৰ লক্ষ্যত উৎকৃষ্টতাৰ বাবে চেষ্টা অব্যাহত ৰাখিছে।