গুৱাহাটী, সংবাদ ৩৬৫, ২৮ এপ্ৰিলঃ মহানগৰীত ক্ৰমাত বৃদ্ধি পাবলৈ ধৰিছে অবৈধ বেহা৷ এটাৰ পিছত আনটো অবৈধ বেহাই চানি ধৰিছে মহানগৰী গুৱাহাটীত৷ শনিবৰে পুৱা গুৱাহাটীৰ ৰেল ষ্টেচনত এখন ৰেলৰ পৰা ৰেল আৰক্ষীয়ে জব্দ কৰে গাঞ্জা৷ ডিব্ৰুগড়ৰ পৰা চণ্ডীগড় অভিমুখে গৈ থকা চণ্ডীগড় এক্সপ্ৰেছত পুৱাৰ ভাগত গুৱাহাটী ৰেল আৰক্ষীয়ে তালাচী চলোৱাত ৪০ কেজি পৰিমাণৰ গাঞ্জা জব্দ কৰে৷ চণ্ডীগড় এক্সপ্ৰেছ ৰেলৰ প্ৰস্বাৱগাৰত গাঞ্জাখিনি লুকুৱাই আনোতে ৰেল আৰক্ষীয়ে উদ্ধাৰ কৰিবলৈ সক্ষম হয়৷ ৰেল আৰক্ষীয়ে গাঞ্জাখিনি জব্দ কৰে যদিও ইয়াৰ লগত জড়িত কোনো লোক আটক কৰিবলৈ সক্ষম নহয়।
