গুৱাহাটী, সংবাদ ৩৬৫, ২৬ ডিচেম্বৰ : বৃহস্পতিবাৰে বিয়লি ৩ মান বজাত মহানগৰীৰ নেমকেয়াৰৰ সমীপত সংঘটিত হয় এক ভয়ংকৰ অগ্নিকাণ্ড । গুঞ্জন নামৰ এখন মিঠাই দোকানৰ পৰা জুইৰ সূত্ৰপাত ঘটে বুলি জানিব পৰা গৈছে ।
অগ্নিকাণ্ডৰ ফলত মিঠাইৰ দোকানখন সম্পূৰ্ণৰূপে জ্বলি ছাই হৈ যায়।
ইফালে ঘটনাৰ খবৰ পাই অগ্নিনিৰ্বাপকৰ ৫ খনকৈ বাহন ঘটনাস্থলী উপস্থিত হয় আৰু জুই নিয়ন্ত্ৰণ কৰিবলৈ সক্ষম হয়।
চিলিণ্ডাৰ বিস্ফোৰণৰ ফলতেই উক্ত অগ্নিকাণ্ডৰ সূত্ৰপাত হয় বুলি জানিব পৰা গৈছে। অগ্নিকাণ্ড নেমকেয়াৰ হাস্পতালৰ সন্মুখত হোৱাৰ হাস্পতালখনলৈ আহিছিল ভাবুকি যাৰ বাবে ততাতৈয়াকৈ স্থানান্তৰ কৰা হৈছিল হাস্পতালৰ ৰোগীক।
ইফালে অগ্নিকাণ্ডৰ ফলত জি এছ ৰোডত ব্যাপক যান-জঁট সৃষ্টি হোৱা পৰিলক্ষিত হয় ।