পাণ্ডুত ব্ৰহ্মপুত্ৰ নদীত গা ধুবলৈ গৈ সন্ধানহীন চাৰি কিশোৰ

In ৰাজ্য
Umra Package

গুৱাহাটী : মহানগৰীৰ পাণ্ডুত ব্ৰহ্মপুত্ৰ নদীত গা ধুবলৈ গৈ চাৰি কিশোৰ সন্ধানহীন। এজন কিশোৰক ৰক্ষা কৰিবলৈ গৈ অন্য তিনিজনো ডুব যায় নদীৰ বুকুত। উদ্ধাৰ অভিযান আৰম্ভ কৰিছে এছডিআৰএফ আৰু এনডিআৰএফ বাহিনীয়ে।

মহানগৰী গুৱাহাটীৰ পাণ্ডু ঘাটত ব্ৰহ্মপুত্ৰ নদীত গা ধুবলৈ গৈ চাৰিজন কিশোৰ ব্ৰহ্মপুত্ৰৰ বুকুত সন্ধানহীন হৈ পৰিছে। চাৰি কিশোৰ ব্ৰহ্মপুত্ৰ নদীত গা ধুই থকা সময়ত এজন কিশোৰ হঠাতে নদীত ডুব যায়।

ব্ৰহ্মপুত্ৰৰ সোঁতত লগৰজনক উটি যোৱা দেখি অন্য তিনিজনে ৰক্ষা কৰিবলৈ আগুৱাই যায় যদিও চাৰিওজন কিশোৰ ব্ৰহ্মপুত্ৰৰ বুকুত সন্ধানহীন হৈ পৰে বুলি ঘটনাস্থলীত উপস্থিত থকা একাংশ লোকে জানিবলৈ দিয়ে। স্থানীয় ৰাইজে আৰক্ষীক।খবৰ দিয়াত আৰক্ষী লগে লগে পাণ্ডু ঘাটত উপস্থিত হয়।

আৰক্ষীয়ে এনডিআৰএফ আৰু এছডিআৰএফ বাহিনীৰ জোৱানৰ লগত ব্ৰহ্মপুত্ৰ নদীৰ বুকুত ডুব যোৱা কিশোৰ চাৰিজনক উদ্ধাৰৰ বাবে অভিযান আৰম্ভ কৰিছে। বৰ্তমানলৈকে উদ্ধাৰকাৰী দলটোৱে কোনো ধৰণৰ সাফল্য লাভ কৰা নাই।

ব্ৰহ্মপুত্ৰ নদীত গা ধুবলৈ গৈ নদীত ডুব সন্ধানহীন হোৱা কিশোৰ চাৰিজন দয়াল শেখ, অভিনাশ দাস, জিৎ দাস আৰু দীপ সৰকাৰ বুলি জানিব পৰা গৈছে। আটাইকেইজন কিশোৰৰ বয়স ১৫ বছৰ আৰু ঘৰ মালি গাঁওঅঞ্চলত।

সন্ধনহীন হোৱা কিশোৰ কেইজনৰ পৰিয়ালৰ লোক পাণ্ডু ঘাটত শোকত ভাঙি পৰিছে। এই ঘটনাই সমগ্ৰ পাণ্ডু অঞ্চলত শোকৰ ছাঁ পেলোৱা পৰিলক্ষিত হৈছে। উল্লেখ্য যে কিছুদিন পূৰ্বে গোৱালপাৰা চহৰৰ কাছাৰী ঘাটত গা ধুবলৈ গৈ তিনিজন কিশোৰ ব্ৰহ্মপুত্ৰ নদীত ডুব গৈছিল।

You may also read!

Dibrugarh University : ডিব্ৰুগড় বিশ্ববিদ্যালয়ৰ কতৃপক্ষই বহিস্কাৰ কৰিলে ১৮ জন ছাত্ৰক

Shivani Saikia গুৱাহাটী : ডিব্ৰুগড় বিশ্ববিদ্যালয়ত (Dibrugarh University) ভয়ংকৰ ৰেগিংৰ ঘটনা। পদ্মনাথ গোহাঞিবৰুৱা ছাত্ৰাবাসত সংঘটিত হৈছে এই ভয়ংকৰ ৰেগিংৰ

Read More...

Sukur Ali : শুকুৰ আলীক লপা-থপা দি আৰক্ষীক গতাই দিলে ৰাইজে

Basiruddin Ahmed  ধুবুৰী : (Sukur Ali) শুকুৰ আলী বিপদত। ধন আত্মসাৎ কৰি বিপদত পৰিছে শুকুৰ আলী। কেইবাঘণ্টা ধৰি ৰাইজে আটক

Read More...

Salon Azure : গুৱাহাটীত মুকলি হ’ল আমেৰিকাৰ চেলুন ব্ৰেণ্ড আজুৰৰ প্ৰথমটো আউটলেট

গুৱাহাটী : আমেৰিকা যুক্তৰাষ্ট্ৰৰ স্বনামধন্য আন্তঃৰাষ্ট্ৰীয় চেলুন ব্ৰেণ্ড, চেলুন আজুৰে (Salon Azure) ২৭ নৱেম্বৰত গুৱাহাটীৰ উলুবাৰীত পূব ভাৰতৰ প্ৰথমটো

Read More...

Mobile Sliding Menu