এফালে অসম আৰক্ষীৰ ড্ৰাগছ বিৰোধী অভিযান আনফালে হোটেলত ড্ৰাগছৰ পাৰ্টি

In ৰাজ্য
Umra Package

গুৱাহাটী : অসম আৰক্ষীয়ে ড্ৰাগছমুক্ত অসম গঢ়াৰ বাবে ড্ৰাগছৰ বিৰুদ্ধে জেহাদ ঘোষণা কৰি ৰাজ্যজুৰি ড্ৰাগছ বিৰোধী অভিযান অব্যাহত ৰাখিছে। এফালে অসম আৰক্ষীয়ে ড্ৰাগছৰ বিৰুদ্ধে অভিযান চলাই এটাৰ পিছত আনটো সাফল্য লাভ কৰি আছে আৰু আনফালে আৰক্ষীক কেৰেপ নকৰি একাংশই ড্ৰাগছৰ বেহা চলাই থকাৰ লগতে আন একাংশই আয়োজন কৰিছে ড্ৰাগছৰ পাৰ্টি।

মহানগৰী গুৱাহাটীত ড্ৰাগছৰ পাৰ্টি আয়োজন কৰি আৰক্ষীৰ জালত পৰিল ১৮ গৰাকীকৈ পুৰুষ-মহিলা। জন্মদিন উদযাপনৰ নামত ড্ৰাগছৰ পাৰ্টিৰ আয়োজন কৰা এই ১৮ গৰাকী পুৰুষ-মহিলাক আৰক্ষীয়ে গ্ৰেপ্তাৰ কৰে খাৰঘুলিত। ড্ৰাগছৰ পাৰ্টিৰ আয়োজন কৰা ধৃত এই ১৮ গৰাকীৰ কবলৰ পৰা আৰক্ষীয়ে বহু পৰিমাণৰ কোকেইন আৰু গাঞ্জা জব্দ কৰিছে।

লতাশিল আৰক্ষীয়ে খাৰঘুলিৰ হোটেল ৰিভেৰিয়াত নিশাৰ ভাগত অভিযান চলাই ড্ৰাগছৰ পাৰ্টিৰ আয়োজন কৰা ১৮ গৰাকীকৈ পুৰুষ-মহিলাক গ্ৰেপ্তাৰ কৰে। হোটেলখনত অমিত বৰুৱা নামৰ এজন লোকৰ জন্মদিন উদযাপনৰ নামত ড্ৰাগছৰ পাৰ্টিৰ আয়োজন কৰা হৈছিল। বহু নিশা পৰ্যন্ত হোটেলখনত পাৰ্টি চলি আছিল আৰু আৰক্ষীয়ে নিশা ১১.৩০ বজাৰ পিছত অভিযান চলাই ড্ৰাগছসহ ১৮ গৰাকী লোকক গ্ৰেপ্তাৰ কৰে।

ধৃত লোক কেইজন ক্ৰমে বিকাশ জৈন, নাছিফ আহমেদ, সুমিত কুমাৰ বেৰিয়া, চয়ন শইকীয়া, অমিত পেগু, অমিত বৰুৱা, অশোক বৰ্মন, হিৰণ্য সিনহা, ৰিদিপ বৰুৱা, সিদ্ধাৰ্থ বৰঠাকুৰ, ফাহাদ ফাৰী আলী, ৰাকেশ বৰগোহাঁই আৰু দেৱৰ্ষি বেৰিয়া৷ আৰক্ষীয়ে কেইবাগৰকী মহিলাকো গ্ৰেপ্তাৰ কৰিছে। উল্লেখ্য যে ক’ভিডসৃষ্ট পৰিস্থিতিৰ মাজতে জন্মদিন উদযাপনৰ নামত এইসকল পুৰুষ-মহিলাই ড্ৰাগছৰ পাৰ্টিৰ আয়োজন কৰিছিল।

You may also read!

Salon Azure : গুৱাহাটীত মুকলি হ’ল আমেৰিকাৰ চেলুন ব্ৰেণ্ড আজুৰৰ প্ৰথমটো আউটলেট

গুৱাহাটী : আমেৰিকা যুক্তৰাষ্ট্ৰৰ স্বনামধন্য আন্তঃৰাষ্ট্ৰীয় চেলুন ব্ৰেণ্ড, চেলুন আজুৰে (Salon Azure) ২৭ নৱেম্বৰত গুৱাহাটীৰ উলুবাৰীত পূব ভাৰতৰ প্ৰথমটো

Read More...

Deepor Beel : দীপৰ বিলে হেৰুৱাবলৈ ধৰিছে ৰামচাৰ ক্ষেত্ৰৰ বৈশিষ্ট্য সমূহ

Shivani Saikia গুৱাহাটী : ২০০২ চনৰ নৱেম্বৰ মাহত দীপৰ বিলে ৰামচাৰ ক্ষেত্ৰ হিচাপে স্বীকৃতি লাভ কৰিছিল। দীপৰ বিলে অসমৰ একমাত্ৰ

Read More...

National Milk Day : পূৰবী ডেইৰীৰ ৰাষ্ট্ৰীয় দুগ্ধ দিৱস উদযাপন

গুৱাহাটী :  অসমৰ সৰ্ববৃহৎ ডেইৰী কোপাৰেটিভ পূৰবী ডেইৰীয়ে ২৬ নৱেম্বৰত “ভাৰতৰ শ্বেত বিপ্লৱৰ পিতৃ’’, “ভাৰতৰ দুগ্ধমানৱ হিচাপে খ্যাত” ড০

Read More...

Mobile Sliding Menu