ৱামূলে’ মুকলি কৰিলে পূৰবী দহী আৰু মছালা লাচ্ছি

In ব্যৱসায়, ৰাজ্য

গুৱাহাটী, সংবাদ ৩৬৫, ৯ ছেপ্তেম্বৰ : পশ্চিম অসম দুগ্ধ উৎপাদক সমবায় সংঘ চমুকৈ ৱামূল অৰ্থাৎ জনপ্ৰিয় দুগ্ধ ব্ৰেণ্ড পূৰবীয়ে আজি গুৱাহাটীৰ নেডফি সন্মিলন কেন্দ্ৰত পূৰবী দহী আৰু মছালা লাচ্ছি শীৰ্ষক দুবিধ নতুন খাদ্য সামগ্ৰী মুকলি কৰে।

অসমৰ সমবায় বিভাগৰ মন্ত্ৰী ৰিহণ দৈমাৰী আৰু ৰাজ্য চৰকাৰৰ প্ৰধান সচিব বিশ্বৰঞ্জন ছামালে আনুষ্ঠানিকভাৱে এই সামগ্ৰি দুবিধ মুকলি কৰে। উল্লেখ্য যে পূৰবী হৈছে পশ্চিম অসম দুগ্ধ উৎপাদক সমবায় সংঘৰ গাখীৰ আৰু দুগ্ধজাত সামগ্ৰীৰ ব্ৰেণ্ড নাম। ই হৈছে সমগ্ৰ উত্তৰ-পূৱ ভাৰতৰে সৰ্ববৃহৎ সক্ৰিয় ডায়েৰী।

উল্লেখ্য যে ২০১৮ চনত পূৰবীয়ে ‘ছুইট লাচ্ছি’ শীৰ্ষক সামগ্ৰী বিধ মুকলি কৰাৰ পিছতেই চেনী বিহীন সামগ্ৰী উৎপাদনৰ দিশটোৰ ওপৰত গুৰুত্ব প্ৰদান কৰাৰ কথা চৰ্চালৈ আহে আৰু ইয়াৰ পিছতেই প্ৰায় এটা বছৰ পিছত মছালা লাচ্ছি মুকলি কৰা হয়। শেহতীয়াকৈ স্বাস্থ্যৰ প্ৰতি সতৰ্কতা অৱলম্বন কৰা উপভোক্তাৰ সংখ্যা তথা চাহিদাৰ প্ৰতি লক্ষ্য ৰাখিয়েই এই মছালা লাচ্ছি মুকলি কৰা হৈছে বুলিও প্ৰকাশ কৰিছে পূৰবী কৰ্তৃপক্ষই। জলকীয়া আৰু অন্যান্য বিভিন্ন মছলাৰ প্ৰয়োগেৰে প্ৰতিটো বতৰতেই খাব পৰাকৈ প্ৰস্তুত কৰা হৈছে এই মছালা লাচ্ছি।

ইতিমধ্যেই বজাৰত পূৰবীৰ মিঠা আৰু টেঙা দুয়োবিধ দৈয়েই যথেষ্ট জনপ্ৰিয়। ইয়াৰ পিছতো পূৰবী দহী নামেৰে বিশেষভাৱে ৪০০ গ্ৰামত ২৫ টকা পেকেটেৰে সজাই তোলা হৈছে এই নতুন দৈ।
গাখীৰ যদিহে পৰিস্কাৰ আৰু বিশুদ্ধ নহয়, তেন্তে ই ইয়াৰ গুণাগুণ হেৰুৱাই পেলায়। এই আপ্তবাক্য মানিয়েই পূৰবীৰ সকলো দুগ্ধজাত সামগ্ৰীৰ ক্ষেত্ৰত সতেজ গাখীৰ ব্যৱহাৰ কৰা হয়। ইয়াৰ বাবেই ৱামূলৰ সৈতে জড়িত হৈ থকা ১২০০০ ৰো অধিক দুগ্ধ কৃষকৰ পৰা ২০০ খনতকৈও অধিক গাওঁ পৰ্যায়ৰ দুগ্ধ সমবায় সমিতিৰ জৰিয়তে দৈনিক দুবাৰকৈ গাখীৰ সংগ্ৰহ কৰা হয়।

কৃষকৰ সমবায় হিচাপে ৱামূলে ধাৰাবাহিকভাৱে বজাৰ প্ৰদান কৰিবলৈ পাই যথেষ্ট গৌৰৱান্বিত। গুৱাহাটীৰ পাঞ্জাবাৰীত থকা ৱামূলৰ ডায়েৰীত প্ৰতিদিনেই ৬৫,০০০ লিটাৰকৈ গাখীৰ সংশোধন কৰা হয়।

সোমবাৰে দুয়োবিধ সামগ্ৰী মুকলি কৰি সমবায় মন্ত্ৰী ৰিহন দৈমাৰীয়ে কয়, “ৰাজ্যত শ্বেত বিপ্লৱ অনাৰ ক্ষেত্ৰত পূৰৱী অৰ্থাৎ ৱামূলে যথেষ্ট গুৰুত্বপূৰ্ণ ভুমিকা পালন কৰিছে। ইতিমধ্যেই ৰাজ্যবাসীয়ে পূৰৱীক আদৰি লৈছে। ঠিক তেনেদৰেই অনাগত দিনতো আজি মুকলি কৰা এই নতুন দুবিধ সামগ্ৰীও ৰাইজে আদৰি ল’ব।”

Comments

comments

You may also read!

মানকাচৰৰ কাকৰিপাৰাত ট্ৰেক্টৰৰ খুন্দাত নিহত কিশোৰ

দক্ষিণ শালমাৰা-মানকাচৰ, সংবাদ ৩৬৫, ২৫ ফেব্ৰুৱাৰী: দক্ষিণ শালমাৰা-মানকাচৰ জিলাৰ মানকাচৰ থানাৰ অন্তৰ্গত ভাৰত-বাংলাদেশ সীমান্তবৰ্তী কাকৰিপাৰাত মঙলবাৰে দিনৰ প্ৰায় 1

Read More...

বড়োভূমিৰ পৰা বি পি এফক উৎখাত কৰাৰ হুংকাৰ ইউ জি ব্ৰহ্মৰ

বাক্সা, সংবাদ ৩৬৫, ২৫ ফেব্ৰুৱাৰী: বাক্সাত বড়োভূমিৰ পৰা বি পি এফক উৎখাত কৰাৰ হুংকাৰ ইউ জি ব্ৰহ্মৰ। প্ৰাক্তন এৱছু

Read More...

সমাজকৰ্মী ডঃ দিব্যজ্যোতি শইকীয়ালৈ জি টাউন বঁটা

নতুন দিল্লী, সংবাদ ৩৬৫, ২৪ ফেব্ৰুৱাৰী: ৰাষ্ট্ৰীয় পৰ্যায়ৰ ফেশ্যন তথা সামাজিক আলোচনী জী টাউন চ'চাইটি য়ে অন্যান্য বছৰৰ দৰে

Read More...

Mobile Sliding Menu