গ্ৰেটাৰ গুৱাহাটী বেবী লীগ অনুৰ্ধ ১২ৰ খিতাপ খানাপাৰা পেগাছাছৰ

In ক্ৰীড়াংগন

গুৱাহাটী, সংবাদ ৩৬৫, ৯ ফেব্ৰুৱাৰী: খানাপাৰা পেগাছাছে গ্ৰেটাৰ গুৱাহাটী বেবী লীগ চমুকৈ জিজিবিএলৰ দ্বিতীয় ছিজনৰ অনুৰ্ধ ১২ৰ খিতাপ দখল কৰিছে৷ দেওবাৰে জিজিবিএলৰ একাদশ মেচ ডে’ত অনুষ্ঠিত হোৱা ফাইনেল ৰাউণ্ডৰ মেচত পেগাছাছে মুঠ ২৪ পইন্টেৰে তালিকাৰ শীৰ্ষস্থান নিশ্চিত কৰে৷ মনোময় ডীয়েৰ্ছ আৰু জিটিচি ৰাইনোজে ক্ৰমে দ্বিতীয় আৰু তৃতীয় স্থান দখল কৰে ৷ এই শাখাত ২৭টা গ’লেৰে শীৰ্ষ গ’লদাতা হয় মনোময় ডীয়েৰ্ছৰ লক্ষ্য বিশ্বাস৷

ইপিনে, গুৱাহাটী চিটী এফ চি চমুকৈ জিচিএফচি ইউনিকৰ্নছে গ্ৰেটাৰ গুৱাহাটী বেবী লীগ চমুকৈ জিজিবিএলৰ অনুৰ্ধ ১০ শাখাৰ খিতাপৰ আশা সজীৱ কৰি তুলিছে৷ সৰ্বভাৰতীয় ফুটবল ফেডাৰেচন চমুকৈ এ আই এফ এফৰ স্বীকৃতিপ্ৰাপ্ত প্ৰথমটো গ’ল্ডেন বেবী লীগ জিজিবিএলৰ দ্বিতীয় ছিজনৰ একাদশ মেচ ডে’ত নালাপাৰাৰ ইন্টাৰনেচনেল স্কুলৰ খেলপথাৰত অনুৰ্ধ ১০ৰো ফাইনেল ৰাউণ্ডৰ মেচসমূহ অনুষ্ঠিত হয়৷ গুৱাহাটী চিটী এফচি (জিচিএফচি) আৰু স্প’ৰ্টছক্ৰাফ্‌ট মেনেজমেণ্টে ৱামূল (পূৰৱী ডেইৰী)ৰ সহযোগত আৰু অসম ফুটবল সংস্থা, ইণ্ডিয়ান অইল কৰ্পোৰেচন-ছাৰ্ভো, ডেকাথল্‌ন গুৱাহাটী, ৰামানম ইনফ’টেক আৰু ৯৪.৩ গপশ্বপ এফএমৰ পৃষ্ঠপোষকতাত অনুষ্ঠিত জিজিবিএলৰ অনুৰ্ধ ১০ৰ এখন গুৰুত্বপূৰ্ণ ফাইনেল ৰাউণ্ডৰ মেচত জিচিএফচি ইউনিকৰ্নছে জিটিচি ৰাইনোজক ৩-১ গ’লত পৰাস্ত কৰি তালিকাৰ শীৰ্ষস্থানত উপনীত হয় ৷ জিচিএফচিৰ হৈ প্ৰীতম ব্ৰহ্ম, দিব্যপ্ৰতীম বসুমতাৰী আৰু উৎকৰ্ষ বৰাই গ’ল স্ক’ৰ কৰাৰ বিপৰীতে জিটিচিৰ হৈ সুমিত পাণ্ডেই গ’ল স্ক’ৰ কৰে৷

আনহাতে, অনুৰ্ধ ৮ত মনোময় ডীয়েৰ্ছে মন্টফ’ৰ্ট টাইগাৰ্ছক ৩-০ গ’লত পৰাস্ত কৰে ৷ নিবিড় দাসে দুটা আৰু ৰচিত কুমাৰ শ্বাহে এটা গ’ল স্ক’ৰ কৰে৷ এই শাখাত জিচিএফচি ইউনিকৰ্নছ আৰু নাৰেংগী ডলফিন্সে প্ৰথম দুটা স্থান অধিকাৰ কৰি আছে।

Comments

comments

You may also read!

বিয়াৰ প্ৰলোভনেৰে যুৱতীৰ পৰা সৰকাই নিলে ধন : এতিয়া ৰঙা ঘৰৰ আলহী

গুৱাহাটী  ৩ আগষ্ট জালুকবাৰী আৰক্ষীৰ জালত পৰিল এটা প্ৰৱঞ্চক। বিয়াৰ প্ৰলোভনেৰে প্ৰৱঞ্চকটোৱে এগৰাকী যুৱতীৰ পৰা সৰকাই আহিছিল ধন। অনলাইন বিবাহ ৱেবছাইট

Read More...

টকাৰ অভাৱত পুত্ৰৰ চিকিৎসাৰ বাবে হাহাকাৰ দুৰ্ভগীয়া পিতৃ-মাতৃৰ

আনিছুৰ আলী গৌৰীপুৰ ৩ আগষ্ট কিডনী আৰু যকৃতৰ জটিল ৰোগত আক্ৰান্ত হৈ চিকিৎসাৰ অভাৱত মৃত্যুৰ ক্ষণ গনিছে একমাত্ৰ পুত্ৰ সন্তান। অৰ্থৰ

Read More...

বৰক্ষেত্ৰীত কংগ্ৰেছৰ প্ৰতাৰণা দিৱসত প্ৰাক্তন মুখ্যমন্ত্ৰী তথা বৰ্ষীয়ান কংগ্ৰেছ নেতা ডা: ভুমিধৰ বৰ্মন

আজিজ আলী মুকালমুৱা  ৩ আগষ্ট সমগ্ৰ ৰাজ্যতে বিজেপি চৰকাৰৰ বিৰুদ্ধে কংগ্ৰেছৰ প্ৰতাৰণা বিৰোধী দিৱস। ৰাজ্যৰ অন্যান্য প্ৰান্তৰ লগতে নলবাৰী জিলাৰ বৰক্ষেত্ৰী সমষ্টিৰ

Read More...

Mobile Sliding Menu

error: Content is protected !!