চমগুৰিত জব্দ চোৰাং পশুধন ভৰ্তি তিনিখনকৈ ট্ৰাক

In ৰাজ্য
Umra Package

নৱজ্যোতি বৰুৱা
চামগুৰি
২১ ডিচেম্বৰ

ৰাজ্যত অব্যাহত আছে পশুধনৰ চোৰাং সৰবৰাহ। চমগুৰিত জব্দ চোৰাং পশুধন ভৰ্তি তিনিখনলৈ ট্ৰাক। পশুধন ভৰ্তি ট্ৰাক এৰি পলায়ন ট্ৰাকৰ হেণ্ডিমনে আৰু চালকৰ।

ৰাজ্যত ক্ৰমাৎ ব্যাপক হাৰত বৃদ্ধি পাইছে চোৰাং পশুধনৰ সৰবৰাহ। বিশেষকৈ ৰাজ্যৰ বিভিন্ন প্ৰান্তৰ পৰা চোৰাং পশুধন নামনি অসমৰ ধুবুৰী আৰু দক্ষিণ শালমাৰা মানকাচ জিলাৰ মাজেৰে সৰবৰাহ কৰা হয় বাংলাদেশলৈ। ধুবুৰী আৰু দক্ষিণ শালমাৰা মানকাচ জিলাৰ নদী পথ সমূহত আৰক্ষীয়ে অভিযান চলাই বিভিন্ন সময়ত বৃহৎ পৰিমাণৰ চোৰাং পশুধন জব্দ কৰাৰ লগতে বহু সৰবৰাহকাৰীক আটক কৰিবলৈ সক্ষম হৈছে। ইয়াৰ মাজতে বিগত কিছুদিন ধৰি নগাঁও জিলাৰ বিভিন্ন প্ৰান্তত আৰক্ষীয়ে অভিযান চলাই জব্দ কৰিছে কেইবাখনো চোৰাং পশুধন ভৰ্তি ট্ৰাক।

দেওবাৰে নিশাও এক গোপন খবৰৰ ভিত্তিত অভিযান চলাই চমগুৰি আৰক্ষীয়ে জব্দ কৰে তিনিখনকৈ চোৰাং পশুধন ভৰ্তি ট্ৰাক। উজনি অসমৰ দিশৰ পৰা নগাঁও অভিমুখে ৩৭ নং ৰাষ্ট্ৰীয় ঘাইপথেৰে আহি থকা অৱস্থাত গোপন সুত্ৰৰ খবৰৰ ভিত্তিত চামগুৰি আৰক্ষীয়ে থানাৰ সন্মুখত বেৰিকেড লগাই পশুধন ভৰ্তি ট্ৰাক কেইখন জব্দ কৰে। ইফালে আৰক্ষীৰ অভিযানৰ বিষয়ে উমান পাই চামগুৰিৰ আমনিত এএছ-০১-এলচি-১৮১৬, এ এছ-০৭-এচি-৮০৫৯ আৰু এএছ-০১-এলচি-৩৩৪৬ নম্বৰৰ ট্ৰাক কেইখনৰ চালক আৰু হেণ্ডিমেনে ট্ৰাক কেইখন এৰি পলায়ন কৰে। পৰৱৰ্তী সময়ত চামগুৰি আৰক্ষী ঘটনাস্থলীত উপস্থিত হৈ আমনিৰ পৰা পশুধন ভৰ্তি ট্ৰাক কেইখন জব্দ কৰিবলৈ সক্ষম হয়।

উল্লেখ্য যে, তিনিখনকৈ ট্ৰাকত প্ৰায় অৰ্ধ-শতাধিক গৰু-ম’হ চোৰাং পশুধন সৰবৰাহকাৰী চক্ৰটোৱে অবৈধভাৱে কোনো অজ্ঞতা স্থানলৈ সৰবৰাহ কৰাৰ চেষ্টা চলাইছিল বুলি সন্দেহ প্ৰকাশ কৰিছে একাংশ প্ৰত্যক্ষদৰ্শীয়ে। ইয়াৰ পূৰ্বেও নগাঁও আৰক্ষীয়ে চোৰাং পশুধন ভৰ্তি কেইবাখনো ট্ৰাক জব্দ কৰিবলৈ সক্ষম হৈছিল।

You may also read!

Dibrugarh University : ডিব্ৰুগড় বিশ্ববিদ্যালয়ৰ কতৃপক্ষই বহিস্কাৰ কৰিলে ১৮ জন ছাত্ৰক

Shivani Saikia গুৱাহাটী : ডিব্ৰুগড় বিশ্ববিদ্যালয়ত (Dibrugarh University) ভয়ংকৰ ৰেগিংৰ ঘটনা। পদ্মনাথ গোহাঞিবৰুৱা ছাত্ৰাবাসত সংঘটিত হৈছে এই ভয়ংকৰ ৰেগিংৰ

Read More...

Sukur Ali : শুকুৰ আলীক লপা-থপা দি আৰক্ষীক গতাই দিলে ৰাইজে

Basiruddin Ahmed  ধুবুৰী : (Sukur Ali) শুকুৰ আলী বিপদত। ধন আত্মসাৎ কৰি বিপদত পৰিছে শুকুৰ আলী। কেইবাঘণ্টা ধৰি ৰাইজে আটক

Read More...

Salon Azure : গুৱাহাটীত মুকলি হ’ল আমেৰিকাৰ চেলুন ব্ৰেণ্ড আজুৰৰ প্ৰথমটো আউটলেট

গুৱাহাটী : আমেৰিকা যুক্তৰাষ্ট্ৰৰ স্বনামধন্য আন্তঃৰাষ্ট্ৰীয় চেলুন ব্ৰেণ্ড, চেলুন আজুৰে (Salon Azure) ২৭ নৱেম্বৰত গুৱাহাটীৰ উলুবাৰীত পূব ভাৰতৰ প্ৰথমটো

Read More...

Mobile Sliding Menu