ডিগবৈত বিধায়কৰ তেল, গেছৰ চিণ্ডিগেট: বিধায়কৰ বিপক্ষে উত্তাল ডিগবৈ: প্ৰতিবাদস্থলীত বিজেপি কংগ্ৰেছ কৰ্মীৰ হতাহতি

In ৰাজ্য

ডিগবৈ, সংবাদ ৩৬৫, ১৯ আগষ্ট: দীৰ্ঘদিন ধৰি তেল আৰু গেছৰ চিণ্ডিগেট চলাই অহা ডিগবৈৰ বিজেপি বিধায়ক সুৰেন ফুকনৰ বিৰুদ্ধে দেওবাৰে কংগ্ৰেছ, যুৱ কংগ্ৰেছ আৰু এন এছ ইউ আইৰ একাংশ কৰ্মী ডিগবৈ চাৰিআলিৰ ৩৮ নং ৰাষ্ট্ৰীয় ঘাই পথ উত্তাল কৰি তোলে। উল্লেখ্য যে ডিগবৈৰ গোলাইস্থিত আই অ চিৰ তেল পৰিবাহী টাৰ্মিনেলত প্ৰতিদিনেই১৫০ খন টেংকাৰ লোড হয়। একোখন টেংকাৰৰ পৰা দুশ টকাকৈ গোলাই এচচিয়েচন নামৰ এক অখ্যাত সংগঠনটোৱে প্ৰতিদিনে গুণ্ডা কৰ সংগ্ৰহ কৰে ৩০ হাজাৰ টকা আৰু মাহিলী সংগ্ৰহ হয় ৯ লাখ টকা। এই গুণ্ডা কৰ সংগ্ৰহ কৰাৰ অভিযোগ উত্থাপন কৰিছিল পেট্ৰলিয়াম মজদুৰ ইউনিয়নে। পেট্ৰলিয়াম মজদুৰ ইউনিয়নৰ মতে উক্ত চিণ্ডিকেটৰ নেতৃত্ব প্ৰদান কৰি আহিছে ডিগবৈৰ বিজেপি বিধায়ক সুৰেন ফুকনে। এই অভিযোগক কেন্দ্ৰ কৰি দেওবাৰে ৰাজপথলৈ ওলাই আহি কংগ্ৰেছ কৰ্মী সকলে সুৰেন ফুকনৰ প্ৰতিমূৰ্তি দাহ কৰি বিজেপি মূৰ্দাবাদ, সুৰেন ফুকন মূৰ্দাবাদ আদি বিভিন্ন শ্লোগান দি পৰিস্থিতি উত্তাল কৰি তোলে। ইফালে কংগ্ৰেছৰ প্ৰতিবাদৰ মাজতে প্ৰায় শতাধিক বিজেপি কৰ্মীয়ে কংগ্ৰেছ কৰ্মীৰ প্ৰতিবাদ স্থলীৰ সমীপতে কংগ্ৰেছৰ বিৰুদ্ধে ধৰ্ণা কাৰ্যসূচীৰে পৰিবেশ উত্তাল কৰি তোলে। বিজেপি সমৰ্থিত লোকসকলে কংগ্ৰেছ আৰু মজদুৰ ইউনিয়নে উত্থাপন কৰা উক্ত অভিযোগ নাকচ কৰি এয়া বিধায়ক সুৰেন ফুকনৰ সুনাম নষ্ট কৰাৰ এক ষড়যন্ত্ৰ বুলি অভিহিত কৰে৷ প্ৰতিবাদ স্থলীত দুই পক্ষৰ মাজত হতাহতিৰ সৃষ্টি হয়৷অৱশ্যে আৰক্ষী আৰু অৰ্ধ সামৰিক বাহিনী আহি পৰিস্থিতি নিয়ন্ত্ৰন কৰিবলৈ সক্ষম হয়৷

Comments

comments

You may also read!

বীৰ শ্বহীদলৈ সন্মান সৰ্বানন্দ সোনোৱাল আৰু হিমন্ত বিশ্ব শৰ্মাৰ: স্ব-কান্ধে বীৰ শ্বহীদৰ নশ্বৰ দেহৰ কফিন লৈ হেলিকপ্টাৰত উঠাই শ্ৰদ্ধাঞ্জলী

গুৱাহাটী, সংবাদ ৩৬৫, ১৬ ফেব্ৰুৱাৰী: যোৱা ১৪ ফেব্ৰুৱাৰীত জম্মুৰ পুলৱামাত পাকিস্তানী সন্ত্ৰাসবাদীৰ বৰ্বৰ আক্ৰমনত শ্বহীদ হোৱা অসম সন্তান মনেশ্বৰ

Read More...

কৃষকৰ কল্যাণৰ লক্ষ্য কৃষি উন্নয়ন সন্থাৰ: বেচামাৰিত ৰেহাই মূল্যত ৰাসায়নিক সাৰ, ঔষধ বিতৰণ

বটদ্ৰৱাৰ পৰা নজৰুল ইছলাম, সংবাদ ৩৬৫, ১৫ফেব্ৰুৱাৰী: ৰাজ্যৰ কৃষক সকলৰ কল্যাণৰ বাবে কৃষি উন্নয়ন সন্থা অসমে বিশেষ ব্যৱস্থা গ্ৰহণ

Read More...

কলগাছিয়াত পাকিস্তানৰ উগ্ৰপন্থীৰ বিৰুদ্ধে পাব্লিক স্কুলৰ দুই শতাধিক ছাত্ৰ-ছাত্ৰীৰ তীব্ৰ প্ৰতিবাদ

কলগাছিয়া, সংবাদ ৩৬৫, ১৬ ফেব্ৰুৱাৰী: যোৱা বৃহস্পতিবাৰে জম্মু কাশ্মীৰত কৰ্মৰত ৪৪ জনকৈ ভাৰতীয় সেনা জোৱানক পাকিস্তানৰ উগ্ৰপন্থীয়ে আত্মঘাতী বোমাৰে

Read More...

Mobile Sliding Menu