ডিমৰীয়া আছুৰ কাৰ্যালয়ত চুৰিকাণ্ড

In ৰাজ্য
Umra Package

সোণাপুৰ

২৭ চেপ্তেম্বৰ

ডিমৰীয়া আছুৰ কাৰ্যালয়ত চুৰিকাণ্ড। সোণাপুৰ থানাৰ এশ মিটাৰ নিলগত থকা আছুৰ কার্যলায়ত চুৰিকাণ্ড। ডিমৰীয়াত অপৰাধমূলক ঘটনা ৰোধৰ ক্ষেত্ৰত সম্পূৰ্ণ ব্যৰ্থ আৰক্ষী।

এটাৰ পিছত আন এটা বিতৰ্কত সাঙোৰ খাই পৰিছে সোণাপুৰ আৰক্ষী। সোণাপুৰ থানাৰ পৰা এশ মিটাৰ নিলগত থকা ডিমৰীয়া আছুৰ মুখ্য কাৰ্যালয়ত শনিবাৰে নিশা সংঘটিত হয় এক চুৰিকাণ্ডৰ ঘটনা। চোৰে আছুৰ কার্যলায়ৰ ভেণ্টিলেচনেৰে প্ৰৱেশ কৰি কাৰ্যালয়টোত থকা টিভি আৰু ইনভাৰটাৰৰ বেটাৰি চুৰ কৰি লৈ যায়। দেওবাৰে পুৱাৰ ভাগত চাফাই কৰ্মীয়ে তলা খুলি প্ৰৱেশ কৰোতে টিভিটো যথাস্থানত দেখা নাপাই সাধাৰণ সম্পাদক পৰাগ বৰুৱাক অৱগত কৰে। সম্পাদক গৰাকী কিছুসময় পাছতে কাৰ্যালয়ত উপস্থিত হৈ সামগ্ৰী চুৰ হোৱাটো নিশ্চিত কৰি আন কৰ্মকৰ্তাসকলক অৱগত কৰে। ইতিমধ্যে ছাত্ৰ সন্থাই সোণাপুৰ আৰক্ষী থানাত ঘটনা সন্দৰ্ভত এজাহাৰ দাখিল কৰিছে।আনহাতে সোণাপুৰ আৰক্ষী থানাৰ সন্মুখতে চনু কমিউনিকেচন নামৰ এখন মোবাইল ফোনৰ দোকানতো চোৰে লুটপাত চলাই অৰ্ধ লক্ষাধিক টকাৰ সামগ্ৰী চুৰ কৰি লৈ যায়।

উল্লেখ্য যে সোণাপুৰ আৰক্ষী থানাৰ অন্তৰ্গত এলেকাত আৰক্ষীৰ ব্যৰ্থতাৰ সুযোগ গ্ৰহণ কৰি চোৰে ব্যাপক লুটপাত চলাই আহিছে। আৰক্ষীয়ে চোৰ গ্ৰেপ্তাৰ কৰিব নোৱাৰাৰ সুবাদতে ক্ৰমাগতভাৱে অঞ্চলটোত বৃদ্ধি পাইছে চোৰৰ উপদ্ৰব। নৈশ তহলৰ দায়িত্বত থকা আৰক্ষী বিষয়াই ৰাজপথত নিশা চলাচল কৰা ট্ৰাক, মেক্স আদি গাড়ীৰ পৰা অবৈধ ধন সংগ্ৰহত লিপ্ত থকা বাবেই এনে ঘটনাৰ সঘনাই পুনৰাবৃত্তি হোৱাৰ অভিযোগ উঠিছে। ছাত্ৰ সন্থাই সোণাপুৰ আৰক্ষীক অনতিপলমে তদন্ত কৰি দোষীক গ্ৰেপ্তাৰ কৰিবলৈ দাবী জনাইছে।

You may also read!

Dibrugarh University : ডিব্ৰুগড় বিশ্ববিদ্যালয়ৰ কতৃপক্ষই বহিস্কাৰ কৰিলে ১৮ জন ছাত্ৰক

Shivani Saikia গুৱাহাটী : ডিব্ৰুগড় বিশ্ববিদ্যালয়ত (Dibrugarh University) ভয়ংকৰ ৰেগিংৰ ঘটনা। পদ্মনাথ গোহাঞিবৰুৱা ছাত্ৰাবাসত সংঘটিত হৈছে এই ভয়ংকৰ ৰেগিংৰ

Read More...

Sukur Ali : শুকুৰ আলীক লপা-থপা দি আৰক্ষীক গতাই দিলে ৰাইজে

Basiruddin Ahmed  ধুবুৰী : (Sukur Ali) শুকুৰ আলী বিপদত। ধন আত্মসাৎ কৰি বিপদত পৰিছে শুকুৰ আলী। কেইবাঘণ্টা ধৰি ৰাইজে আটক

Read More...

Salon Azure : গুৱাহাটীত মুকলি হ’ল আমেৰিকাৰ চেলুন ব্ৰেণ্ড আজুৰৰ প্ৰথমটো আউটলেট

গুৱাহাটী : আমেৰিকা যুক্তৰাষ্ট্ৰৰ স্বনামধন্য আন্তঃৰাষ্ট্ৰীয় চেলুন ব্ৰেণ্ড, চেলুন আজুৰে (Salon Azure) ২৭ নৱেম্বৰত গুৱাহাটীৰ উলুবাৰীত পূব ভাৰতৰ প্ৰথমটো

Read More...

Mobile Sliding Menu