নিচাজাতীয় সমগ্রী আৰু মুকলি জুৱাৰ আড্ডাৰ ঘাটিত পৰিণত এটা বিশেষ অঞ্চল

In ৰাজ্য
Umra Package

আব্দুল হক

নগৰবেৰা 

৫ আগষ্ট

নিচাজাতীয় সামগ্ৰী আৰু মুকলি জুৱাৰ আড্ডাৰ ঘাটিত পৰিণত হৈছে এটা বিশেষ অঞ্চল।আৰক্ষীৰ নাকৰ তলতে অঞ্চলটোত উভৈনদী নিচাজাতীয় সমগ্ৰীৰ। দেশী-বিদেশী সুৰাৰো মুক্তভাৱে ৰমৰমীয়া বেহা চলে অঞ্চলটোত। ৰাইজৰ অভিযোগ আৰক্ষীৰ সৈতে মিতিৰালি আছে নিচাজাতীয় সমগ্ৰীৰ বেহাৰ লগত জড়িত চক্ৰৰ।

কামৰূপ জিলাৰ বকো সমষ্টিৰ অন্তৰ্গত বৃহত্তৰ টুপামাৰী অঞ্চল ক্ৰমাৎ পৰিণত হৈছে নিচানগৰী আৰু জুৱাৰ আড্ডাস্থলী। অঞ্চলটোত দীৰ্ঘদিনৰ পৰাই এটা দুষ্ট চক্ৰই নিচাজাতীয় সমগ্রী আৰু জুৱাৰ ৰমৰমীয়া বেহা চলাই আহিছে যদিও বিগত কিছু বছৰ ধৰি অঞ্চলটোত ব্যাপক হাৰত বৃদ্ধি পাইছে নিচাজাতীয় সমগ্রীৰ বিক্ৰী আৰু সেৱনৰ লগতে জুৱাৰ আড্ডা। টুপামাৰীত এতিয়া সম্পূৰ্ণ মুক্তভাৱে চলিবলৈ ধৰিছে অসামাজিক কাৰ্যকলাপ, যেন অবৈধ সামগ্ৰীৰ বেহা আৰু অসামাজিক কাৰ্যৰ স্বৰ্গভূমিলৈ পৰিণত হৈছে টুপামাৰী। এই অবৈধ সামগ্ৰীৰ বেহা আৰু অসামাজিক কাৰ্যৰ স্বৰ্গভূমিৰ প্ৰাণকেন্দ্ৰ হৈছে আকৌ টুপামাৰী আৰক্ষী চকীৰ গাতে লাগি থকা টুপামাৰী বজাৰখন। মদ, ভাং, ড্ৰাগছৰ মুক্ত কিনা-বেচাৰ লগতে বজাৰখনৰ চুকে কোনে সকলো সময়তে চলি থাকে জুৱাৰ আড্ডা। এই সকলোবোৰ অসামাজিক কাৰ্যকলাপ চলে টুপামাৰী আৰক্ষী সন্মুখত। সকলো দেখিও চকুমুদা কুলিৰ ভাও ধৰি থাকে টুপামাৰী আৰক্ষী চকীৰ খাকী পোচাকধাৰী। দিনৰ ভাগতে অঞ্চলটোত মুক্তভাৱে চলা নিচাজাতীয় সমগ্ৰীৰ বেহা ৰাতিৰ আন্ধাৰত অধিক ভয়াবহ হৈ উঠে। কুখ্যাত নিচাজাতীয় সমগ্ৰীৰ ব্যৱসায়ী, জুৱাৰী আৰু মদৰ ৰাগীত মাতাল লোকৰ দপদপনিত ঘৰৰ বাহিৰত সাধাৰণ ৰাইজ ওলাব নোৱাৰা পৰিস্থিতিৰ সৃষ্টি হয় টুপামাৰীত।

স্থানীয় ৰাইজৰ সন্দেহ টুপামাৰীৰ একাংশ আৰক্ষীৰ বিষয়া আৰু কনিষ্টবলৰে নিচাজাতীয় সমগ্ৰীৰ বেহাৰ লগত জড়িত চক্ৰটোৰ সৈতে আছে গোপন মিতিৰালি। আৰক্ষীৰ হাত মূৰৰ ওপৰত থকাৰ বাবেই উঠি ৰজা-বহি ৰজা হৈ সমাজ বিৰোধী চক্ৰটোৱে সাধাৰণ মানুহক ভয় ভাবুকি কিম্বা আক্ৰমণ কৰিবলৈও নকৰে কুণ্ঠাবোধ। আনহাতে টুপামাৰীত দ্ৰুতগতিত বৃদ্ধি পাবলৈ লৈছে নিচা আসক্ত লোকৰ সংখ্যাও। বিভিন্ন স্কুল কলেজীয়া ছাত্ৰৰ পৰা অঞ্চলটোৰ নৱ প্ৰজন্ম আজি নিচাসক্ত আৰু জুৱাভক্ত। পৰিনতিত সম্পূৰ্ণ বিনষ্ট হৈ পৰিছে টুপামাৰী অঞ্চলৰ সামাজিক পৰিৱেশ।

You may also read!

Dibrugarh University : ডিব্ৰুগড় বিশ্ববিদ্যালয়ৰ কতৃপক্ষই বহিস্কাৰ কৰিলে ১৮ জন ছাত্ৰক

Shivani Saikia গুৱাহাটী : ডিব্ৰুগড় বিশ্ববিদ্যালয়ত (Dibrugarh University) ভয়ংকৰ ৰেগিংৰ ঘটনা। পদ্মনাথ গোহাঞিবৰুৱা ছাত্ৰাবাসত সংঘটিত হৈছে এই ভয়ংকৰ ৰেগিংৰ

Read More...

Sukur Ali : শুকুৰ আলীক লপা-থপা দি আৰক্ষীক গতাই দিলে ৰাইজে

Basiruddin Ahmed  ধুবুৰী : (Sukur Ali) শুকুৰ আলী বিপদত। ধন আত্মসাৎ কৰি বিপদত পৰিছে শুকুৰ আলী। কেইবাঘণ্টা ধৰি ৰাইজে আটক

Read More...

Salon Azure : গুৱাহাটীত মুকলি হ’ল আমেৰিকাৰ চেলুন ব্ৰেণ্ড আজুৰৰ প্ৰথমটো আউটলেট

গুৱাহাটী : আমেৰিকা যুক্তৰাষ্ট্ৰৰ স্বনামধন্য আন্তঃৰাষ্ট্ৰীয় চেলুন ব্ৰেণ্ড, চেলুন আজুৰে (Salon Azure) ২৭ নৱেম্বৰত গুৱাহাটীৰ উলুবাৰীত পূব ভাৰতৰ প্ৰথমটো

Read More...

Mobile Sliding Menu