বিশ্বনাথত সংঘটিত হৈছে এক চাঞ্চল্যকৰ হত্যাকাণ্ড

In ৰাজ্য
TheChocolateRoomTezpur

জোনমণি বেগম

বিশ্বনাথ

১১ জুন

বিশ্বনাথ জিলাৰ বাঘমাৰিৰ নুৰ হক নামৰ এজন লোকক হত্যা কৰা ঘটনাই অঞ্চলটোত তীব্ৰ চাঞ্চল্যৰ সৃষ্টি কৰিছে। জানিব পৰা মতে নুৰ হক নামৰ ৩৬ বছৰীয়া লোক জনক নিশা ১০.৩০ মান বজাত কোনো লোকে ফোন কৰি মাতি আনি হত্যা কৰি হাত-ভৰি বান্ধি এটা বস্তাত ভৰাই বুঢ়িগাং নৈত উটুৱাই দিয়ে।

শুকুৰবাৰে বিশ্বনাথৰ ননকে জাপৰুগুৰীৰ বুঢ়িগাং নৈত উদ্ধাৰ হয় মৃত নুৰ হকৰ মৃতদেহ। ননকে জাপৰুগুৰীত বুঢ়িগাং নৈ পাৰ হৈ এগৰাকী মহিলাই পথাৰত কাম কৰা লোকক ভাত দিবলৈ যাওঁতে মহিলা গৰাকীৰ ভৰিত লাগে মৃতদেহ ভৰাই ৰখা বস্তাটো। মহিলাগৰাকীয়ে লগে লগে খবৰ দিয়ে গাঁওবাসীক। এই খবৰ বিয়পি পৰাৰ লগে লগে উক্ত স্থানত মৃত নুৰ হকৰ পৰিয়াল আহি পানীৰ পৰা উদ্ধাৰ কৰে বস্তাটো আৰু প্ৰত্যক্ষ কৰে নুৰ হকৰ মৃতদেহ।

মৃতদেহটোৰ হাত-ভৰিত ৰছীৰে বন্ধি থোৱা অবস্থাত বস্তাত ভৰাই নৈত পেলাই দিয়া হৈছিল বুলি সন্দেহ কৰা হৈছে। ইফালে যোৱা নিশাৰ পৰাই নুৰ হক ঘৰৰ পৰা নিৰুদ্দেশ হোৱা সন্দৰ্ভত মৃত নুৰ হকৰ পৰিয়ালে পুৱা বিশ্বনাথৰ জিনজিয়া থানাত দাখিল কৰিছিল এক গোচৰ। ইফালে মৃত নুৰ হকৰ পৰিয়ালৰ লোকে জনোৱা মতে মৃত নুৰ হকৰ বহু শত্ৰু আছিল।

হত্যাকাণ্ডৰ খবৰ পাই জিনজিয়া থানাৰ আৰক্ষীৰ দল ঘটনাস্থলীত উপস্থিত হৈ আৰম্ভ তদন্ত আৰম্ভ কৰে। পৰবৰ্তী সময়তহে আৰক্ষীৰ তদন্তত ওলাব এই হত্যাকাণ্ডৰ লগত কোন জড়িত আছে। কিন্তু এনেদৰে এজন লোকক হত্যাকৰি হাত-ভৰি বান্ধি বস্তাত ভৰাই মৃতদেহ নৈত পেলাই দিয়া ঘটনাই সমগ্ৰ অঞ্চলত তীব্ৰ চাঞ্চল্যৰ সৃষ্টি কৰিছে।

You may also read!

বিদ্যুৎ বিভাগৰ চৰম গাফিলতিৰ ফলত বিদ্যুতপৃষ্ট হৈ এজন কৰ্মচাৰীৰ মৃত্যু

জোনমণি বেগম বিশ্বনাথ ১৯ জুন বিশ্বনাথ চাৰিআলিৰ বিদ্যুৎ বিভাগৰ অন্তৰ্গত পাভৌ বিদ্যুৎ নিয়ন্ত্ৰণ কক্ষৰ অধীনত সংঘটিত হৈছে অঘটন। পাভৈ বিদ্যুৎ নিয়ন্ত্ৰণ কক্ষৰ

Read More...

পথৰ ওপৰত অভিনৱ প্ৰতিবাদ ৰাইজৰ : ধৰিলে মাছ, ৰুলে কঠিয়া

জোনমণি বেগম বিশ্বনাথ ১৮ জুন হঠাৎ বিশ্বনাথত উঠিল মাছৰ উজান৷ হাতত জাল, জুলুকি, চেপাঁ লৈ মাছ ধৰিবলৈ ওলাই আহিল স্থানীয় ৰাইজ৷ কিন্তু

Read More...

নাগশংকৰ মন্দিৰৰ কাছ সমুহক যুৱ-ছাত্ৰ পৰিষদৰ বিশ্বনাথ জিলা সমিতিৰ খাদ্য যোগান

জোনমণি বেগম বিশ্বনাথ ১৭ জুন অসম জাতীয়তাবাদী যুৱ-ছাত্ৰ পৰিষদৰ বিশ্বনাথ জিলা সমিতিৰ উদ্যোগত ঐতিহ্যমণ্ডিত নাগশংকৰ দেৱালয়ৰ পুখুৰীত থকা কাছ সমুহক কিছু পৰিমাণে

Read More...

Mobile Sliding Menu