গুৱাহাটী, সংবাদ ৩৬৫, ২২ এপ্ৰিল : মঙ্গলবাৰে লোকসভা নিৰ্বাচনৰ তৃতীয় অৰ্থাৎ অন্তিম পৰ্যায় । অন্তিম পৰ্যায়ৰ এই নিৰ্বাচনৰ আগে আগে সোমবাৰে গুৱাহাটী ৰে’লৱে ষ্টেচনত আটক কৰা হয় ৮ গৰাকীকৈ বাংলাদেশী নাগৰিক ।
অবৈধভাৱে ভাৰতত প্ৰৱেশ কৰা এই বাংলাদেশী নাগৰিক কেইজনক ৰে’লৱে আৰক্ষী আৰু সীমান্ত শাখাৰ বিষয়াই আটক কৰে ।
প্ৰাপ্ত খবৰ অনুসৰি যোৱা ২০ এপ্ৰিলত অবৈধভাৱে ত্ৰিপুৰা সীমান্তইদি ভাৰতত প্ৰৱেশ কৰিছিল লোককেইজনে। ত্ৰিপুৰাৰ আগৰতলা পৰা বাছেৰে আহি সোমবাৰে উপস্থিত হৈছিল গুৱাহাটীত।
আটকধীন লোককেইজনৰ পৰা উদ্ধাৰ কৰা হৈছে ভুৱা আধাৰ কাৰ্ড,কেইবাটাও মোবাইল ফোন আৰু বাংলাদেশৰ ছিম কাৰ্ড।