গুৱাহাটী,সংবাদ ৩৬৫, ৪ মাৰ্চ: সোমবাৰে মহানগৰীৰ মাছখোৱাস্থিত প্ৰাগজ্যোতিষ সাংস্কৃতিক প্ৰকল্পত স্বচ্ছ ভাৰত অভিযানৰ থীম চং মুকলি কৰে। ৰাইজক স্বচ্ছতাৰ ক্ষেত্ৰত সজাগ কৰাৰ হেতু প্ৰস্তুত কৰা হৈছে এই গীতটো।
এই থীম চংৰ ভিডিওতোৰ মুখ্য ভূমিকাত আছে জনপ্ৰিয় অভিনেতা ৰবি শৰ্মা। ইয়াৰোপৰিও গীতটোৰ ভিডিঅ’ত দেখিবলৈ পোৱা যাব অসমীয়া ছবিজগতৰ ভালেকেইজন জনপ্ৰিয় অভিনেতাক।
জনপ্ৰিয় অভিনেতা ৰবি শৰ্মাই সংবাদ মাধ্যমৰ আগত সকলোকে স্বচ্ছতাৰ ক্ষেত্ৰত সজাগ হ’বলৈ আহ্বান জনায় । লগতে কয় যে বৰ্তমান সময়ত স্বচ্ছতাৰ বাবে এনেদৰেই গীতৰ মাধ্যমৰে সজাগতা সৃষ্টি কৰিবলগীয়া কাৰ্যটো এক লজ্জাজনক ঘটনা । ৰাজহুৱা স্থান অপৰিষ্কাৰ নকৰি পৰিস্কাৰ পৰিচন্নতাৰ ওপৰত গুৰুত্ব দিবলৈ আহ্বান জনায় জনপ্ৰিয় অভিনেতাগৰাকীয়ে।