ৰাষ্ট্ৰীয় মীন উন্নয়ন বোৰ্ডৰ তিনিটিকৈ বঁ‌টা লাভ কৰিলে অসমে

In ৰাজ্য
TheChocolateRoomTezpur

গুৱাহাটী : অসমৰ বাবে ভাল খবৰ। ৰাষ্ট্ৰীয় মীন উন্নয়ন বোৰ্ডৰ তিনিটিকৈ বঁ‌টা লাভ কৰিলে অসমে। অসমৰ মীন বিভাগে হাইদৰাবাদত অৱস্থিত ৰাষ্ট্ৰীয় মীন উন্নয়ন বোৰ্ডৰ পৰা তিনিটাকৈ বঁ‌টা লাভ কৰিবলৈ সক্ষম হৈছে। অনুপ কুমাৰ শৰ্মাই পাহাৰীয়া আৰু উত্তৰ-পূৱ ভাৰতৰ ৰাজ্যসমূহৰ ভিতৰত শ্ৰেষ্ঠ মীন পালকৰ বঁ‌টা লাভ কৰিছে। এই বঁ‌টাত এখন মানপত্ৰ, শ্বল,স্মাৰকৰ লগতে দুই লাখ টকাৰ আৰ্থিক পুৰস্কাৰ সন্নিৱিষ্ট আছে।

ইফালে কামৰূপ মহানগৰ জিলাৰ কলং-কপিলী সমবায় সমিতি লিমিটেডে শ্ৰেষ্ঠ মীন সমবায় সমিতি হিচাপে বিবেচিত হৈছে। এই বঁ‌টাত আছে এখন মানপত্ৰ, এখন শ্বল, এটা স্মাৰকৰ লগতে দুই লাখ টকাৰ আৰ্থিক পুৰস্কাৰ। আনহাতে পাহাৰীয়া আৰু উত্তৰ-পূৱৰ জিলাসমূহৰ ভিতৰত বঙাইগাওঁ‌ জিলা শ্ৰেষ্ঠ জিলাৰ সন্মান লাভ কৰিছে। ইয়াৰ বাবে এখন মানপত্ৰ, এখন শ্বল, এক স্মাৰক আৰু তিনি লাখ টকাৰ আৰ্থিক পুৰস্কাৰ লাভ কৰিব।

এই পুৰস্কাৰসমূহ বিশ্ব মীন দিৱস উপলক্ষে উৰিষ্যাৰ ভুৱনেশ্বৰত অৱস্থিত উৰিষ্যা সচিবালয়ৰ কনভেনচন কেন্দ্ৰত অনুষ্ঠিত হ’বলগীয়া এক আড়ম্বৰপূৰ্ণ অনুষ্ঠানত প্ৰদান কৰা হ’ব। মৎস্যপালন, পশুপালন আৰু ডেয়ৰীৰ কেন্দ্ৰীয় মন্ত্ৰী পুৰষোত্তম ৰূপালা, মৎস্যপালন, পশুপালন আৰু ডেয়ৰীৰ ৰাজ্যিক মন্ত্ৰী ড° এল মুৰুগান আৰু মীন বিভাগৰ সচিব ড° সঞ্জীব কুমাৰ বাল্যন, যতীন্দ্ৰ নাথ স্বেইন আৰু অন্যান্য বিশিষ্ট ব্যক্তিসকলে এই পুৰস্কাৰ বিতৰণ অনুষ্ঠানত অংশগ্ৰহণ কৰিব।

You may also read!

তিনিদিনীয়া ভ্ৰমণসূচীৰে গুৱাহাটীত জে চি আইৰ ৰাষ্ট্ৰীয় সভাপতি

গুৱাহাটী : দেশৰ আটাইতকৈ জনপ্ৰিয় আৰু সক্রীয়া স্বেচ্ছাসেৱী সংগঠন জুনিয়ৰ চেম্বৰ ইণ্টাৰনেচনেল চমুকৈ জে চি আই। ১০০ বছৰীয় পুৰণি

Read More...

অভিযুক্তক প্ৰহাৰ আৰু ধনদাবী কৰি গ্ৰেপ্তাৰ ভাৰপ্ৰাপ্ত বিষয়া হাইদৰ হুছেইন

নগাঁও : নগাঁও জিলাৰ ৰূপহীহাট আৰক্ষী থানাৰ অন্তৰ্গত কাৱৈমাৰী আৰক্ষী চকীৰ ভাৰপ্ৰাপ্ত আৰক্ষী বিষয়া এতিয়া ৰঙা ঘৰৰ আলহী। কাৰণ

Read More...

বৰক্ষেত্ৰীৰ কেইজনমান সাধাৰণ যুৱকে দেখুৱালে মানৱতা

আজিজ আলী মুকালমুৱা : কেইজনমান সাধাৰণ যুৱকে দেখুৱালে মানৱতা। বানাক্ৰান্ত ৰাইজৰ কাষত থিয় দিলে কেইজনমান সাধানৰ যুৱক। নিজৰ গাঁঠিৰ ধন

Read More...

Mobile Sliding Menu