নগাঁও ঘটনাত আৰক্ষী দোষী সাব্যস্ত হ’লে কঠোৰ শাস্তি পাব : মুখ্যমন্ত্ৰী

In ৰাজ্য
TheChocolateRoomTezpur

গুৱাহাটী : নগাঁও ঘটনা সন্দৰ্ভত প্ৰতিক্ৰিয়া প্ৰকাশ কৰিলে মুখ্যমন্ত্ৰী হিমন্ত বিশ্ব শৰ্মাই। এক সংবাদমেলত মুখ্যমন্ত্ৰীয়ে নগাঁৱৰ ঘটনাকলৈ প্ৰতিক্ৰিয়া প্ৰকাশ কৰি কয় যে নগাঁৱৰ ঘটনাত যদি আৰক্ষী দোষী সাব্যস্ত হয় তেন্তে কঠোৰ শাস্তি হোৱাটো নিশ্চিত। মুখ্যমন্ত্ৰীয়ে কয় দোষীয়ে আইনৰ মতে শাস্তি পাব।

মুখ্যমন্ত্ৰী হিমন্ত বিশ্ব শৰ্মাই কয় যে অতিৰিক্ত মুখ্য সচিব পৱন বৰঠাকুৰক নগাঁও ঘটনাৰ তদন্তৰ দায়িত্ব দিয়া হৈছে৷ সাত দিনৰ ভিতৰত নগাঁও ঘটনাৰ তদন্তৰ প্ৰতিবেদন দাখিল কৰাৰ নিৰ্দেশ দিয়া হৈছে বুলি কয় মুখ্যমন্ত্ৰীয়ে। ঘটনাৰ লগত জড়িত আৰক্ষীক ৰিজাৰ্ভ ক্ল’জ কৰা হৈছে। দোষী সাব্যস্ত হ’লে আইন মতে শাস্তি পাব বুলিও কয় মুখ্যমন্ত্ৰীয়ে।

ইফালে নগাঁও ঘটনাৰ তদন্তৰ বাবে অতিৰিক্ত আৰক্ষী সঞ্চালক প্ৰধান জি পি সিং দেওবাৰে বিয়লি উপস্থিত হয় নগাঁৱত। অতিৰিক্ত আৰক্ষী সঞ্চালক প্ৰধান জি পি সিং কয় যে আৰক্ষীৰ কোনো বে আইনী কাম সহ্য কৰা নহ’ব। নগাঁৱত উপস্থিত হৈ আৰক্ষী বিষয়া গৰাকীয়ে ঘটনাৰ বুজ লয়। নগাঁৱত জাতীয় সংগঠনৰ নেতৃবৃন্দৰ সৈতে আলোচনাত মিলিত হয় আৰক্ষী বিষয়া গৰাকী।

নগাঁৱত সংঘটিত হোৱা ছাত্ৰ নেতাক গুলীওৱাৰ ঘটনাৰ আয়ুক্ত পৰ্যায়ৰ তদন্তৰ কথা সংবাদ মাধ্যমৰ সন্মুখত উল্লেখ কৰে আৰক্ষী বিষয়া গৰাকীয়ে। ইতিমধ্যেই তদন্ত কমিটি গঠন হোৱা বুলিও উল্লেখ কৰে আৰক্ষী বিষয়া গৰাকীয়ে। উল্লেখ্য যে নগাঁৱৰ প্ৰাক্তন ছাত্ৰ নেতা কীৰ্তি কমল বৰা ড্ৰাগছৰ বেহাৰ লগত জড়িত বুলি অভিযোগ উত্থাপন কৰি আৰক্ষীয়ে গুলীওৱাৰ ঘটনাই ব্যাপক প্ৰতিক্ৰিয়াৰ সৃষ্টি কৰিছে।

You may also read!

তিনিদিনীয়া ভ্ৰমণসূচীৰে গুৱাহাটীত জে চি আইৰ ৰাষ্ট্ৰীয় সভাপতি

গুৱাহাটী : দেশৰ আটাইতকৈ জনপ্ৰিয় আৰু সক্রীয়া স্বেচ্ছাসেৱী সংগঠন জুনিয়ৰ চেম্বৰ ইণ্টাৰনেচনেল চমুকৈ জে চি আই। ১০০ বছৰীয় পুৰণি

Read More...

অভিযুক্তক প্ৰহাৰ আৰু ধনদাবী কৰি গ্ৰেপ্তাৰ ভাৰপ্ৰাপ্ত বিষয়া হাইদৰ হুছেইন

নগাঁও : নগাঁও জিলাৰ ৰূপহীহাট আৰক্ষী থানাৰ অন্তৰ্গত কাৱৈমাৰী আৰক্ষী চকীৰ ভাৰপ্ৰাপ্ত আৰক্ষী বিষয়া এতিয়া ৰঙা ঘৰৰ আলহী। কাৰণ

Read More...

বৰক্ষেত্ৰীৰ কেইজনমান সাধাৰণ যুৱকে দেখুৱালে মানৱতা

আজিজ আলী মুকালমুৱা : কেইজনমান সাধাৰণ যুৱকে দেখুৱালে মানৱতা। বানাক্ৰান্ত ৰাইজৰ কাষত থিয় দিলে কেইজনমান সাধানৰ যুৱক। নিজৰ গাঁঠিৰ ধন

Read More...

Mobile Sliding Menu