দেওবাৰে ৰাজ্যত ক’ভিডৰ পৰা সুস্থ হৈ উঠিছে ৬ হাজাৰ ১১৮ জন লোক

In ৰাজ্য
Umra Package

গুৱাহাটী : প্ৰতিদিনে ৰাজ্যত বৃদ্ধি পাই আছে ক’ভিড আক্রান্তৰ সংখ্যা। দেওবাৰৰ দিনটোত ৰাজ্যত ২ হাজাৰ ২৭৭ জন লোক নতুনকৈ আক্রান্ত হৈছে ক’ভিডত। মৃত্যুৰ হৈছে ১৩ জনকৈ ক’ভিড ৰোগীৰ। ইয়াৰ পৰিবৰ্তে সুস্থ হৈ উঠা ৰোগীৰ সংখ্যা হৈছে ৬ হাজাৰ ১১৮ জন। শনিবাৰৰ তুলনাত দেওবাৰে ৰাজ্যত ক’ভিড আক্রান্তৰ সংখ্যা হ্ৰাস পাইছে যদিও বৃদ্ধি পাইছে সংক্ৰমণৰ হাৰ।

ৰাজ্যত অধিক ভয়াবহভাৱে বৃদ্ধি পাবলৈ ধৰিছে ক’ভিড আক্ৰান্তৰ সংখ্যা। দেওবাৰৰ দিনটোত ৰাজ্যত ক’ভিড সংক্ৰমণৰ হাৰ ১২.৫৭ শতাংশ। দেওবাৰৰ দিনটোত ৰাজ্যত মুঠ ১৮ হাজাৰ ১১৭ জন লোকৰ ক’ভিড পৰীক্ষা কৰা হৈছে আৰু ইয়াৰে ২ হাজাৰ ২৭৭ জনৰ দেহত ধৰা পৰে ক’ভিডৰ অৱস্থিতি। আনহাতে এই সময়ছোৱাত ৰাজ্যত মৃত্যুৰ মুখত পৰে ১৩ জন ক’ভিড আক্রান্ত লোক।

দেওবাৰে ৰাজ্যত ক’ভিডৰ পৰা সুস্থ হৈ উঠা লোকৰ সংখ্যা হৈছে ৬ হাজাৰ ১১৮ জন। দেওবাৰৰ দিনটোত সৰ্বাধিক লোক ক’ভিডত আক্রান্ত হৈছে কামৰূপ মহানগৰ জিলাত। ৭৭১ জন লোক কামৰূপ মহানগৰ জিলাত দেওবাৰে নতুনকৈ ক’ভিডত আক্রান্ত হয়। কামৰূপ মহানগৰ জিলাৰ পিছতে আছে ডিব্ৰুগড় জিলা। ডিব্ৰুগড় জিলাত আক্রান্ত হৈছে ১৫০ জন লোক।

ইয়াৰ পৰিবৰ্তে যোৰহাটৰ জিলাত ১১১ জন আৰু মৰিগাঁও জিলাত ৮৪ জন লোক আক্রান্ত হৈছে। দেওবাৰৰ দিনটোত ৰাজ্যত ক’ভিডত মৃত্যু হোৱা ১৩ জনৰ ভিতৰত ৩ জনকৈ লোক ডিব্ৰুগড় আৰু তিনিচুকীয়া জিলা। ২ জনকৈ লোকৰ মৃত্যু হৈছে যোৰহাট জিলা আৰু কামৰূপ মহানগৰ জিলাত। ইয়াৰ পৰিবৰ্তে
কৰিমগঞ্জ, কোকৰাঝাৰ আৰু শোণিতপুৰ জিলাত ১ জনকৈ লোকৰ মৃত্যু হৈছে।

You may also read!

Salon Azure : গুৱাহাটীত মুকলি হ’ল আমেৰিকাৰ চেলুন ব্ৰেণ্ড আজুৰৰ প্ৰথমটো আউটলেট

গুৱাহাটী : আমেৰিকা যুক্তৰাষ্ট্ৰৰ স্বনামধন্য আন্তঃৰাষ্ট্ৰীয় চেলুন ব্ৰেণ্ড, চেলুন আজুৰে (Salon Azure) ২৭ নৱেম্বৰত গুৱাহাটীৰ উলুবাৰীত পূব ভাৰতৰ প্ৰথমটো

Read More...

Deepor Beel : দীপৰ বিলে হেৰুৱাবলৈ ধৰিছে ৰামচাৰ ক্ষেত্ৰৰ বৈশিষ্ট্য সমূহ

Shivani Saikia গুৱাহাটী : ২০০২ চনৰ নৱেম্বৰ মাহত দীপৰ বিলে ৰামচাৰ ক্ষেত্ৰ হিচাপে স্বীকৃতি লাভ কৰিছিল। দীপৰ বিলে অসমৰ একমাত্ৰ

Read More...

National Milk Day : পূৰবী ডেইৰীৰ ৰাষ্ট্ৰীয় দুগ্ধ দিৱস উদযাপন

গুৱাহাটী :  অসমৰ সৰ্ববৃহৎ ডেইৰী কোপাৰেটিভ পূৰবী ডেইৰীয়ে ২৬ নৱেম্বৰত “ভাৰতৰ শ্বেত বিপ্লৱৰ পিতৃ’’, “ভাৰতৰ দুগ্ধমানৱ হিচাপে খ্যাত” ড০

Read More...

Mobile Sliding Menu