নৈশ বাছৰ পৰা জব্দ ৫ লক্ষাধিক টকা মূল্যৰ নিচাজাতীয় টেবলেট

In ৰাজ্য
TheChocolateRoomTezpur

গুৱাহাটী : অসম আৰক্ষীৰ ড্ৰাগছ বিৰোধী অভিযানৰ আন এক বৃহৎ সাফল্য। নৈশ বাছৰ পৰা আৰক্ষীয়ে জব্দ কৰিলে ৫ লক্ষাধিক টকা মূল্যৰ নিচাজাতীয় টেবলেট। মহানগৰী গুৱাহাটীৰ গড়চুক আৰক্ষীয়ে চলাইছিল এক ড্ৰাগছ বিৰোধী অভিযান। আইএছবিটি’ত চলিছিল গড়চুক আৰক্ষীৰ এই ড্ৰাগছ বিৰোধী অভিযান।

ড্ৰাগছৰ বিৰুদ্ধে আৰক্ষীৰ ধাৰাবাহিক অভিযান অব্যাহত আছে। ৰাজ্যজুৰি অসম আৰক্ষীয়ে ড্ৰাগছ বিৰোধী অভিযান অব্যাহত ৰাখি এটাৰ পিছত আনটো সাফল্য লাভ কৰিবলৈ সক্ষম হৈছে। এইবাৰ নৈশ বাছত অভিযান চলাই আৰক্ষীয়ে জব্দ কৰিলে বৃহৎ সংখ্যক নিচাজাতীয় টেবলেট।

মঙলবাৰে নিশা গড়চুক আৰক্ষীয়ে আইএছবিটি’ৰ পৰা ড্ৰাগছ সৰবৰাহৰ এক গোপন খবৰ লাভ কৰিছিল। এই গোপন খবৰৰ ভিত্তিত গড়চুক আৰক্ষীয়ে নিশা আইএছবিটি’ত চলায় ড্ৰাগছ বিৰোধী অভিযান। গড়চুক আৰক্ষীয়ে গুৱাহাটীৰ পৰা দক্ষিণ শালমাৰা-মানকাচৰ জিলালৈ যোৱা এখন নৈশ বাছত তালাচী চলাই জব্দ কৰে ৭২০০ টা নিচাজাতীয় টেবলেট।

আৰক্ষীয়ে জব্দ কৰা নিচাজাতীয় টেবলেটখিনিৰ বজাৰ মূল্য ৫ লক্ষাধিক টকা হ’ব বুলি অনুমান কৰিছে। নৈশ বাছযোগে নিচাজাতীয় টেবলেটখিনি সৰবৰাহৰ চেষ্টা কৰা মনচুৰ আলী নামৰ এজন ড্ৰাগছ সৰবৰাহকাৰীক গড়চুক আৰক্ষীয়ে গ্ৰেপ্তাৰ কৰিছে। অধিক তথ্যৰ বাবে আৰক্ষীয়ে ধৃত ড্ৰাগছ সৰবৰাহকাৰী মনচুৰ আলীক জেৰা চলাই থকা বুলি জানিব পৰা গৈছে।

You may also read!

তিনিদিনীয়া ভ্ৰমণসূচীৰে গুৱাহাটীত জে চি আইৰ ৰাষ্ট্ৰীয় সভাপতি

গুৱাহাটী : দেশৰ আটাইতকৈ জনপ্ৰিয় আৰু সক্রীয়া স্বেচ্ছাসেৱী সংগঠন জুনিয়ৰ চেম্বৰ ইণ্টাৰনেচনেল চমুকৈ জে চি আই। ১০০ বছৰীয় পুৰণি

Read More...

অভিযুক্তক প্ৰহাৰ আৰু ধনদাবী কৰি গ্ৰেপ্তাৰ ভাৰপ্ৰাপ্ত বিষয়া হাইদৰ হুছেইন

নগাঁও : নগাঁও জিলাৰ ৰূপহীহাট আৰক্ষী থানাৰ অন্তৰ্গত কাৱৈমাৰী আৰক্ষী চকীৰ ভাৰপ্ৰাপ্ত আৰক্ষী বিষয়া এতিয়া ৰঙা ঘৰৰ আলহী। কাৰণ

Read More...

বৰক্ষেত্ৰীৰ কেইজনমান সাধাৰণ যুৱকে দেখুৱালে মানৱতা

আজিজ আলী মুকালমুৱা : কেইজনমান সাধাৰণ যুৱকে দেখুৱালে মানৱতা। বানাক্ৰান্ত ৰাইজৰ কাষত থিয় দিলে কেইজনমান সাধানৰ যুৱক। নিজৰ গাঁঠিৰ ধন

Read More...

Mobile Sliding Menu