কামৰূপৰ পৰা বহিঃ ৰাজ্যলৈ ৰপ্তানি ২.৫ মেট্ৰিকটন মাটিকঠাল

In ৰাজ্য
Umra Package

আমিনগাঁও : কামৰূপ জিলাৰ কৃষকসকলৰ বাবে আশাৰ সঞ্চাৰ কৰি বুধবাৰে ২.৫ মেট্ৰিকটন মাটিকঠাল বহিঃৰাজ্যলৈ ৰপ্তানি কৰা হয়৷ তেলেংগনা ৰাজ্যৰ চেকেণ্ডৰাবাদলৈ কঢ়িয়াই নিব লগা ট্ৰাকৰ যাত্ৰা বুধবাৰে কামৰূপ জিলাৰ উপায়ুক্তৰ কাৰ্যালয়ৰ পৰা পতাকা জোকাৰি শুভাৰম্ভ কৰে জিলা উপায়ুক্ত কৈলাশ কাৰ্তিক এনে৷ ট্ৰাকখনত মুঠ ১৯০০টা মাটিকঠাল পঠিওৱা হয়৷

এই মাটিকঠালখিনি Raiseom Agritech Pvt Ltd আৰু Sam Agritech Pvt Ltd এ ক্ৰয় কৰিছে৷ ৰপ্তানি কাৰ্যৰ শুভাৰম্ভ কৰি উপায়ুক্তগৰাকীয়ে প্ৰথমবাৰৰ বাবে ৰপ্তানি কৰিবলৈ সক্ষম হোৱা বকো মাটিকঠাল উৎপাদক কোম্পানী লিমিটেডৰ কৰ্মকৰ্তাসকলৰ লগতে কৃষকসকলক অভিনন্দন জ্ঞাপন কৰে৷ তদুপৰি¸ কৃষিখণ্ডৰ উত্তৰণেৰে আত্মনিৰ্ভৰ হোৱাৰ লগতে ৰাজ্যৰ অৰ্থনীতিত অৰিহনা যোগোৱাৰ লক্ষ্যৰে কৃষিখণ্ডক স্বনিয়োজনৰ মাধ্যম ৰূপে গঢ়ি তোলাৰ অৰ্থে যুৱ প্ৰজন্মক আগবাঢ়ি আহিবলৈও তেওঁ আহ্বান জনায়৷

ৰপ্তানি কৰা মাটিকঠালসমূহ কামৰূপৰ বকো মাটিকঠাল উৎপাদক কোম্পানী লিমিটেডৰ অধীনত বকো, বনগাঁও আৰু বৰগাঁৱৰ কৃষি চক্ৰৰ বিভিন্ন গাঁৱৰ প্ৰায় এহেজাৰ কৃষকে উৎপাদন কৰিছে৷ উল্লেখযোগ্য যে অসমৰ কৃষি বিভাগৰ সৌজন্যত আৰু অসম কৃষি ব্যৱসায় আৰু গ্ৰাম্য ৰূপান্তৰকৰণ প্ৰকল্প চমুকৈ এপাৰ্টৰ উদ্যোগত উল্লেখিত কোম্পানীটো ২০১৬ চনতে সংগঠিত কৰা হৈছিল৷ কোম্পানীটোৱে ইতিমধ্যে ৯৬০ হেক্টৰ ভূমি সামৰি লৈছে৷

উদ্যান শস্য আৰু খাদ্য সংসাধন বিভাগৰ Mission Organic Value Chain Development in Assam আঁচনিৰ অধীনত বিভিন্ন সহায় সমৰ্থন লাভ কৰা এই কোম্পানীটোৰ বজাৰ সংযোগ স্থাপনৰ ক্ষেত্ৰত এপাৰ্ট আৰু জিলা প্ৰশাসনে সক্ৰিয়ভাৱে সহায় আগবঢ়াই আছে৷ এইখিনিতে উল্লেখ কৰিব পাৰি যে অহা ১১ আগষ্টত পুনৰ কোম্পানীটোৱে উৎপাদন কৰা ৫০০০ টা মাটিকঠাল ৰপ্তানি কৰা হ’ব৷

You may also read!

Dibrugarh University : ডিব্ৰুগড় বিশ্ববিদ্যালয়ৰ কতৃপক্ষই বহিস্কাৰ কৰিলে ১৮ জন ছাত্ৰক

Shivani Saikia গুৱাহাটী : ডিব্ৰুগড় বিশ্ববিদ্যালয়ত (Dibrugarh University) ভয়ংকৰ ৰেগিংৰ ঘটনা। পদ্মনাথ গোহাঞিবৰুৱা ছাত্ৰাবাসত সংঘটিত হৈছে এই ভয়ংকৰ ৰেগিংৰ

Read More...

Sukur Ali : শুকুৰ আলীক লপা-থপা দি আৰক্ষীক গতাই দিলে ৰাইজে

Basiruddin Ahmed  ধুবুৰী : (Sukur Ali) শুকুৰ আলী বিপদত। ধন আত্মসাৎ কৰি বিপদত পৰিছে শুকুৰ আলী। কেইবাঘণ্টা ধৰি ৰাইজে আটক

Read More...

Salon Azure : গুৱাহাটীত মুকলি হ’ল আমেৰিকাৰ চেলুন ব্ৰেণ্ড আজুৰৰ প্ৰথমটো আউটলেট

গুৱাহাটী : আমেৰিকা যুক্তৰাষ্ট্ৰৰ স্বনামধন্য আন্তঃৰাষ্ট্ৰীয় চেলুন ব্ৰেণ্ড, চেলুন আজুৰে (Salon Azure) ২৭ নৱেম্বৰত গুৱাহাটীৰ উলুবাৰীত পূব ভাৰতৰ প্ৰথমটো

Read More...

Mobile Sliding Menu