ঐতিহাসিক শিৱসাগৰত ভোগালী বিহুৰ দিনা উদুলি মুদুলি পৰিৱেশ

In ৰাজ্য
TheChocolateRoomTezpur

আমিনুৰ ৰহমানৰ সহযোগত ‌‌প্ৰীতী পাৰিক

শিৱসাগৰ : ঐতিহাসিক শিৱসাগৰত ভোগালী বিহুৰ দিনা উদুলি মুদুলি পৰিৱেশ। শিৱসাগৰ নগৰৰ সমীপৱৰ্তী বৃহত্তৰ কাথপাৰৰ বাণমুখ অঞ্চলৰ ৰাইজে চানৰাইজ ক্লাবৰ উদ্যোগত ভোগালী উৎসৱৰ আয়োজন কৰে। মটক সম্প্ৰদায়ৰ ভোগালী উৎসৱত জিলিকি উঠিল জাতিৰ পুৰাতন ঐতিহ্য-পৰম্পৰা।

অসমৰ চহা গ্ৰাম্য জীৱনৰ চানেকিৰে অসমীয়াৰ ঐতিহ্য, সংস্কৃতিৰ আৰু পৰম্পৰাৰ লগত উঠি অহা নৱ প্ৰজন্মক চিনাকি কৰি দিয়াৰ প্ৰয়াস কৰিছে বাণমুখৰ চানৰাইজ ক্লাবে।দুদিনীয়া বৰ্ণাঢ্য কাৰ্যসূচীৰে অনুষ্ঠিত হোৱা ত্রয়োদশ বাৰ্ষিক ভোগালী উৎসৱৰ প্ৰথম দিনা মেজি স্থাপন আৰু যুৱক-যুৱতী সকলে সামূহিক চাফাই অভিযান চলায়।

ভোগালী বিহুৰ পৰম্পৰা অনুসৰি উৰুকাৰ নিশা হাঁহে-মাহে ভেলা ঘৰত সম্প্ৰীতিৰে এসাঁজ খাই সম্পূৰ্ণ ধৰ্মীয় ৰীতি-নীতিৰে পুৱাৰ ভাগত মেজি আৰু ভেলা ঘৰ জ্বলোৱা হয়। শিৱসাগৰৰ বাণমুখ অঞ্চলত পুৱাই অঞ্চটোৰ ৰাইজ মেজিৰ বাকৰিত একত্ৰিত হৈ মেজি জ্বলাই অগ্নিক সেৱা জনাই সকলো অপায়-অমংগল দূৰ কৰাৰ লগতে মানৱ জাতিৰ মংগল কামনা কৰে।

কাঠমেজি আৰু কলা মেজিৰ জুইৰ উত্তাপত উমাল হৈ পৰে কাথপাৰ। গাঁওবাসীৰ ভোগালীৰ আনন্দ। ম’হৰ এঠা দৈ, মালভোগ ধানৰ চিৰাৰে গাঁওবাসীয়ে খালে ভোগালীৰ জলপান। জ্যেষ্ঠ সকলক কণিষ্ঠৰ বিহুৰ সেৱাই এক আধ্যাত্মিক পৰিৱেশ গঢ়ি দিয়ে অঞ্চলটোত।

বছৰটোৰ বাবে সমাজৰ পৰা অপায়-অমংগল নাশ হোৱাৰ কামনা কৰি গায়ন বায়নৰ খোল তলৰ মংগল ধ্বনিৰ মাজত ভকত সকলে ভগৱানৰ ওচৰত সেৱা লৈ মেজিঘৰত অগ্নি সংযোগ কৰে। পুৱা গাঁৱৰ ভকত বৈষ্ণৱ সকলক শৰাই অৰ্পণৰ পৰম্পৰা ৰক্ষা কৰাৰ পিছতে মেজি প্ৰজ্বলন আৰু মাহপ্ৰসাদ বিতৰণ কৰা হয়।

You may also read!

সামাজিক সংগঠন ব্ৰাদাৰ্ছৰ উদ্যোগত আন্ত:ৰাষ্ট্ৰীয় ড্ৰাগছ বিৰোধী দিৱস উদযাপন

গুৱাহাটী : সামাজিক সংগঠন ব্ৰাদাৰ্ছৰ উদ্যোগত আন্তঃৰাষ্ট্ৰীয় ড্ৰাগছ বিৰোধী দিৱস উদযাপন। ৰাষ্ট্ৰীয় পৰ্যায়ৰ সামাজিক সংগঠন ব্ৰাদাৰ্ছৰ উদ্যোগত অনুব্রত সমিতি,

Read More...

১৩৬ বেটেলিয়ান চিআৰপিএফ বাহিনীৰ প্ৰশংসনীয় পদক্ষেপ

আজিজ আলী নলবাৰী : ১৩৬ বেটেলিয়ান চিআৰপিএফ বাহিনীৰ প্ৰশংসনীয় পদক্ষেপ। নলবাৰীৰ সৰিয়হতলীত ১৩৬ নং বেটেলিয়ানৰ চিআৰপিএফ বাহিনীৰ বানাক্ৰান্তৰ বাবে বিশাল

Read More...

নগাঁৱত পুনৰ জ্বলিল ১৫ কোটি টকা মূল্যৰ ড্ৰাগছ

নগাঁও : নগাঁৱত ড্ৰাগছ বিনষ্টিকৰণ কাৰ্যসূচী। নগাঁৱত পুনৰ জ্বলিল ১৫ কোটি টকা মূল্যৰ ড্ৰাগছ। নগাঁও জিলাৰ বিভিন্ন থানাৰ আৰক্ষীয়ে

Read More...

Mobile Sliding Menu