ব্ৰহ্মপুত্ৰৰ বুকুত উদ্ধাৰ হ’ল বৰতলাৰ কন্দৰ্প ডেকাৰ মৃতদেহ

In ৰাজ্য
Umra Package

আজিজ আলী
নলবাৰী
৯ জুলাই

অৱশেষত ব্ৰহ্মপুত্ৰৰ বুকুত উদ্ধাৰ হ’ল বৰতলাৰ কন্দৰ্প ডেকাৰ মৃতদেহ। বৃহস্পতিবাৰে নলবাৰী জিলাৰ মুকালমুৱাৰ অন্তৰ্গত বৰতলাৰ কন্দৰ্প ডেকা নামৰ যুৱকজন নাওঁ দুৰ্ঘটনাত সন্ধানহীন হৈছিল ব্ৰহ্মপুত্ৰৰ বুকুত। এছডিআৰএফ বাহিনীৰ দলে ব্ৰহ্মপুত্ৰত অভিযান চলাই উদ্ধাৰ কৰে কন্দৰ্প ডেকাৰ মৃতদেহ।

নলবাৰী জিলাৰ মুকালমুৱাত বৃহস্পতিবাৰে সন্ধিয়াৰ ভাগত সংঘটিত হৈছিল এক নাওঁ দুর্ঘটনা। চাৰিজন বন্ধুৱে ব্ৰহ্মপুত্ৰ নদীৰ চৰত ঘাঁহ কাটি নাওঁ ভৰ্তি ঘাঁহলৈ উভতি অহাৰ সময়ত কালাৰদিয়া ঘাট পোৱাৰ পূৰ্বেই নাওঁখন নদীত ডুব গৈছিল। চাৰিজন বন্ধুৰ ভিতৰত তিনিজনে সাঁতুৰি পাৰলৈ আহিবলৈ সক্ষম হৈছিল যদিও কন্দৰ্প ডেকা নামৰ যুৱকজন পানীত ডুব গৈছিল।

তিনিজন বন্ধু কথমপি প্ৰাণ ৰক্ষা কৰিবলৈ সক্ষম হৈছিল যদিও কন্দৰ্প ডেকা সন্ধানহীন হৈ আছিল। শুকুৰবাৰে এছডিআৰএফ বাহিনীয়ে ব্ৰহ্মপুত্ৰৰ বুকুত ৰাতিপুৱাৰে পৰা কন্দৰ্প ডেকাৰ সন্ধানত অভিযান আৰম্ভ কৰে।এছডিআৰএফ বাহিনীয়ে অভিযান আৰম্ভ কৰাৰ কিছু সময় পিছতে নদীৰ মাজৰ পৰা উদ্ধাৰ হয় কন্দৰ্প ডেকাৰ মৃতদেহ।

উল্লেখ্য যে বুধবাৰে সন্ধিয়াৰ ভাগত এই নাওঁ দুর্ঘটনা সংঘটিত হোৱাৰ পিছৰে পৰা স্থানীয় ৰাইজে ব্ৰহ্মপুত্ৰৰ বুকুত কন্দৰ্প ডেকাৰ সন্ধানত অভিযান চলাই আছিল যদিও ৰাইজে সাফল্য লাভ কৰিবলৈ সক্ষম হোৱা নাছিল। ৰাতিপুৱাৰ ভাগত এছডিআৰএফ বাহিনীয়ে সফলতা লাভ কৰে। কন্দৰ্প ডেকাৰ মৃত্যুৱে সমগ্ৰ অঞ্চলটোত শোকৰ ছাঁ পেলাইছে।

You may also read!

Rang De Basanti : ৰং দে বসন্তী ধাবা-ডাইনাৰত নতুন মেন্যু, নৱ পৰিৱেশ

গুৱাহাটী : গুৱাহাটীস্থিত জনপ্ৰিয় উত্তৰ ভাৰতীয় ৰেষ্টুৰেণ্ট ৰং দে বসন্তী (Rang De Basanti) আৰবান ধাবা এতিয়া হৈ পৰিছে ৰং দে

Read More...

Drinking Water : অচিৰেই গুৱাহাটীৰ বহু অঞ্চলত বন্ধ হ’ব পৌৰ নিগমৰ পানী যোগান ব্যৱস্থা

গুৱাহাটী : অচিৰেই গুৱাহাটীৰ বহু অঞ্চলত বন্ধ হ’ব পৌৰ নিগমৰ পানী যোগান ব্যৱস্থা (Drinking Water)। গুৱাহাটী মহানগৰীৰ যিসমূহ এলেকাত

Read More...

Farmers Awareness : ফচল বীমা যোজনা আঁচনি সন্দৰ্ভত নলবাৰীত কৃষক সজাগতা সভাৰ শুভাৰম্ভণি

নলবাৰী : ফচল বীমা যোজনা আঁচনি সন্দৰ্ভত নলবাৰীত কৃষক সজাগতা সভাৰ (Farmers Awareness) শুভাৰম্ভণি। নলবাৰী জিলাৰ ৬৫ খন গাঁও

Read More...

Mobile Sliding Menu