বৰপেটা, সংবাদ ৩৬৫, ৩১ মাৰ্চ : বৰপেটা জিলাৰ সৰভোগ আৰক্ষী থানাৰ অন্তৰ্গত খৰিচালা বজাৰত এটা মোবাইল আৰু কাপোৰৰ দোকানৰ পৰা নিশা চোৰে লুটি নিয়ে প্ৰায় ছয় লক্ষাধিক টকাৰ সামগ্ৰী । উক্ত ঘটনাটোৱে অঞ্চলটোত তীব্ৰ চাঞ্চল্যৰ সৃষ্টি কৰিছে।
উল্লেখ্য যে চোৰে কাপোৰৰ দোকানত থকা চি চি টিভি কেমেৰাও চুৰি কৰি লৈ যায়।
নিশা দোকানৰ ওপৰত থকা টিনপাত ভাঙি চোৰে চুৰি কাণ্ড সংঘটিত কৰে । দেওবাৰে পুৱা দোকানৰ স্বত্বাধিকাৰীয়ে দোকান খোলাৰ পিছতহে সমগ্ৰ ঘটনা পোহৰ লৈ আহে।
ইতিমধ্যে চুৰিৰ ঘটনা সংক্ৰান্তত সৰভোগ আৰক্ষী থানাত দোকানৰ স্বত্বাধিকাৰীয়ে এজাহাৰ দাখিল কৰে বুলি জানিবলৈ দিয়ে।