নৱজ্যোতি বৰুৱা

চামগুৰি

৮ ছেপ্টেম্বৰ

আৰক্ষী চকীৰ অস্থায়ী গাড়ী চালকৰ বিৰুদ্ধে উত্থাপিত হৈছে ধন লুটৰ গুৰুত্বৰ অভিযোগ। সোমবাৰে নিশা এজন যুৱকক আক্ৰমণ কৰি ধন লুটি নিয়াৰ অভিযোগ উত্থাপিত হৈছে কাৱৈমাৰি আৰক্ষী চকীৰ অস্থায়ী গাড়ী চালক মকছিদুলৰ বিৰূদ্ধে।

নগাঁও জিলাৰ চামগুৰিৰ অন্তৰ্গত কাৱৈমাৰিত সোমবাৰে নিশা চাৰি দুৰ্বৃত্তৰ উপৰ্যুপৰি আক্ৰমণ এজন যুৱক গুৰুত্বৰভাৱে আঘাতপ্ৰাপ্ত হয়। নিশা দোকান বন্ধ কৰি ঘৰলৈ যোৱাৰ পথত মামাদুল হাছান নামৰ যুৱক জনক চাৰি দুৰ্বৃত্তই চোকা অস্ত্ৰৰ আক্ৰমণ কৰাত যুৱক জন গুৰুত্বৰভাৱে আঘাতপ্ৰাপ্ত হয়। পৰৱৰ্তী সময়ত আঘাতপ্ৰাপ্ত যুৱক জনক স্থানীয় কিছুমান লোকে উদ্ধাৰ কৰি ততাতৈয়াকৈ কাৱৈমাৰি প্ৰাৰ্থমিক স্বাস্থ্য কেন্দ্ৰত ভৰ্তি। চাৰি দুৰ্বৃত্তই আক্ৰমণ কৰি যুৱক জনৰ হাতৰ পৰা প্ৰায় তিনি লক্ষাধিক টকা লৈ যোৱাৰ অভিযোগ উত্থাপিত হৈছে।

দুৰ্বৃত্তৰ আক্ৰমণত গুৰুত্বৰভাৱে আঘাতপ্ৰাপ্ত হোৱা মামাদুল হাছান নামৰ যুৱক জন বৰ্তমান চিকিৎসাধীন হৈ আছে। ইফালে আক্ৰমণৰ এই ঘটনা কাৱৈমাৰি আৰক্ষী চকীৰ অস্থায়ী গাড়ী চালক মকছিদুলৰ নেতৃত্বত সংঘটিত হোৱাৰো গুৰুত্বৰ অভিযোগ উত্থাপিত হৈছে।