কুন্দন ভৰালী

নগাঁও

১৩ ছেপ্টেম্বৰ

কথমপি প্ৰাণ ৰক্ষা পৰিল মেঘালয়ৰ শক্তিমন্ত্ৰী জেমছ চাংমাৰ। নগাঁৱত মেঘালয়ৰ শক্তিমন্ত্ৰী গৰাকীৰ কনভয় দুৰ্ঘটনাগ্ৰস্ত হোৱাত কথমপি প্ৰাণ ৰক্ষা পৰে মন্ত্ৰী গৰাকীক।

দেওবাৰে নগাঁও জিলাৰ ননৈত মেঘালয়ৰ শক্তিমন্ত্ৰী জেমছ চাংমাৰ কনভয় দুৰ্ঘটনাগ্ৰস্ত হোৱাত কথমপি প্ৰাণ ৰক্ষা পৰে মন্ত্ৰী গৰাকীৰ। ডিমাপুৰৰ পৰা মেঘালয় অভিমুখে আহি থকা অৱস্থাত মেঘালয়ৰ মন্ত্ৰী গৰাকীৰ কনভয় ননৈত নিয়ন্ত্ৰণ হেৰুৱাই ট্ৰাকত খুন্দা মাৰে। দুৰ্ঘটনাত চাৰিজনকৈ লোক আহত হয় যদিও কথমপি প্ৰাণ ৰক্ষা পৰে মেঘালয়ৰ শক্তিমন্ত্ৰী জেমছ চাংমাৰ।

কনভয়ত থকা এগৰাকী উপ পৰিদৰ্শক আৰু তিনি গৰাকী কণিষ্টবল আহত হয়। আহত সকলক নগাঁও অসামৰিক চিকিৎসালয়ত ভৰ্ত্তি কৰা হৈছে। ইফালে এই দুৰ্ঘটনাত মেঘালয়ৰ শক্তিমন্ত্ৰী গৰাকীৰ কনভয়ৰ দুখনকৈ বাহন ক্ষতিগ্ৰস্ত হয়।