শিৱসাগৰৰ ৪ খন পৌৰসভাৰ প্ৰাৰ্থীৰ নাম ঘোষণা কৰিলে বিজেপিয়ে

In ৰাজ্য
TheChocolateRoomTezpur

আমিনুৰ ৰহমানৰ সহযোগত ‌‌প্ৰীতী পাৰিক

শিৱসাগৰ : আগন্তুক পৌৰসভা নিৰ্বাচনৰ বাবে ভাৰতীয় জনতা পাৰ্টিয়ে দেওবাৰে শিৱসাগৰ জিলাৰ ৫ খন পৌৰসভাৰ ভিতৰত ৪ খন পৌৰসভাৰ বাবে মনোনীত প্ৰাৰ্থী সকলৰ নাম ঘোষণা কৰে।দলটোৱে শিৱসাগৰ, নাজিৰা, শিমলুগুৰি আৰু ডিমৌ পৌৰসভাৰ বাবে সৰ্বমুঠ ৪৪ গৰাকী প্ৰাৰ্থীৰ তালিকা ঘোষণা কৰে।

ভাৰতীয় জনতা পাৰ্টিয়ে শিৱসাগৰ পৌৰসভাৰ ১৪ ৱাৰ্ডৰ ভিতৰত ১১ খন আসনত প্ৰতিদ্বন্দিতা আগবঢ়াব। দলটোৱে মিত্ৰ দল অসম গণ পৰিষদক ২, ৩ আৰু ৯ নং ৱাৰ্ড এৰি দিছে। এই ৱাৰ্ড কেইটাত মিত্ৰ দল অসম গণ পৰিষদৰ প্ৰাৰ্থীয়ে প্ৰতিদ্বন্দিতা আগবঢ়াব। একেদৰে দলটোৱে নাজিৰা, শিমলুগুৰি আৰু ডিমৌ পৌৰসভাৰ ৩০ আসনৰ বাবে ৩০ গৰাকী প্ৰাৰ্থীৰ তালিকা ঘোষণা কৰিছে।

নাজিৰাত দলটোৱে মিত্ৰ দল অসম গণ পৰিষদক ৩ খন আসন, শিমলুগুৰি পৌৰসভাত ১ খন আসন আৰু ডিমৌ পৌৰসভাত ২ খন আসন এৰি দিছে। উল্লেখযোগ্য যে আসন বুজাপৰাক লৈ আমগুৰি সমষ্টিৰ বিধায়ক প্ৰদীপ হাজৰিকাৰ সৈতে সহমতত উপনীত হ’ব নোৱাৰাৰ বাবে এতিয়ালৈ আমগুৰি পৌৰ সভাৰ প্ৰাৰ্থী তালিকা ঘোষণা কৰা হোৱা নাই।

ঘোষণা কৰা তালিকাত এইবাৰ বুজন সংখ্যক মহিলা প্ৰাৰ্থীৰ নাম অন্তৰ্ভুক্ত হৈছে। তালিকাত অন্তৰ্ভূক্ত হোৱা কণিষ্ঠতম প্ৰাৰ্থী গৰাকী হৈছে শিমলুগুৰি পৌৰসভাৰ ৭ নং ৱাৰ্ডৰ বাবে প্ৰতিদ্বন্দিতা কৰা ২৩ বছৰীয়া পুনম দেৱী। আনহাতে ডিমৌ পৌৰসভাৰ ৫ নং ৱাৰ্ডৰ পৰা মনোনীত প্ৰাৰ্থী ৬৭ বছৰীয়া গুণদা ৰাজখোৱা দুৱৰী হৈছে আটাইতকৈ বয়োজ্যেষ্ঠ প্ৰাৰ্থী।প্ৰাৰ্থী সকলৰ ভিতৰৰ ১৩ গৰাকী স্নাতক ডিগ্ৰী ধাৰী আৰু এগৰাকী স্নাতকোত্তৰ ডিগ্ৰী ধাৰী।

You may also read!

তিনিদিনীয়া ভ্ৰমণসূচীৰে গুৱাহাটীত জে চি আইৰ ৰাষ্ট্ৰীয় সভাপতি

গুৱাহাটী : দেশৰ আটাইতকৈ জনপ্ৰিয় আৰু সক্রীয়া স্বেচ্ছাসেৱী সংগঠন জুনিয়ৰ চেম্বৰ ইণ্টাৰনেচনেল চমুকৈ জে চি আই। ১০০ বছৰীয় পুৰণি

Read More...

অভিযুক্তক প্ৰহাৰ আৰু ধনদাবী কৰি গ্ৰেপ্তাৰ ভাৰপ্ৰাপ্ত বিষয়া হাইদৰ হুছেইন

নগাঁও : নগাঁও জিলাৰ ৰূপহীহাট আৰক্ষী থানাৰ অন্তৰ্গত কাৱৈমাৰী আৰক্ষী চকীৰ ভাৰপ্ৰাপ্ত আৰক্ষী বিষয়া এতিয়া ৰঙা ঘৰৰ আলহী। কাৰণ

Read More...

বৰক্ষেত্ৰীৰ কেইজনমান সাধাৰণ যুৱকে দেখুৱালে মানৱতা

আজিজ আলী মুকালমুৱা : কেইজনমান সাধাৰণ যুৱকে দেখুৱালে মানৱতা। বানাক্ৰান্ত ৰাইজৰ কাষত থিয় দিলে কেইজনমান সাধানৰ যুৱক। নিজৰ গাঁঠিৰ ধন

Read More...

Mobile Sliding Menu